Author: லிங்கேஷ்

நம் கலாச்சாரத்தில் வீட்டின் முன்பு, சாணம் தெளித்து கோலம் போடுவது வழக்கமாக உள்ளது. குறிப்பாக, கடும் பனி பெய்யும் மார்கழி மாதத்தில் இதற்கு அதிக முக்கியத்துவம் கொடுக்கப்படுகிறது. கோலம் போடுவதற்கும், நம் வாழ்க்கைக்கும் நெருங்கிய தொடர்பு உள்ளது. கோலம் போடுவது பூமிக்கு செய்யும் மரியாதை ஆகும். 

கோலம் போடும் போது கோடுகள் கோணல் மாணலாக இருந்தாலும் போட்டு முடித்தபின்பு எப்படிக் கோலாகலமாக அழகுடன் இருக்கிறதோ அதுபோல தான் கோலம் போடும் வீட்டினையும் மகாலட்சுமி தன் அருட்பார்வையால் நிறைப்பாள் என்பது ஐதீகம். 

தெய்வீக யந்திரங்களுக்கு சமமான கோலங்களை பூஜை அறையில் மட்டுமே போட வேண்டும். ஹ்ருதய கமலம், நவகிரக கோலங்கள், ஐஸ்வர்யக் கோலம், ஸ்ரீசக்ரக் கோலம் போன்றவை யந்திரம் போன்றவைகள். இவற்றை மஞ்சள் பொடியினாலும், அரிசி மாவினாலும் மட்டுமே போடுவது சிறப்பு. 

அழகுக்காக வண்ணப் பொடிகளைப் பயன்படுத்தினாலும் கோலத்திற்கு உரிய தெய்வம் அல்லது கிரகத்திற்கு உரிய வண்ணத்தில் போடலாம். இத்தகைய கோலங்களால் தெய்வீக அருள் நிரம்பும் தோஷங்கள் விலகும். 

சுப காரியங்களுக்காகப் போடப்படும் கோலங்கள் கண்டிப்பாக இரட்டை இழைக்கோலங்களாகத்தான் இருக்க வேண்டும் ஒற்றை இழை ஒருபோதும் கூடாது. 

வீட்டில் சுப நிகழ்ச்சிகள் நடக்கும் சமயத்தில் போடும் கோலங்களுக்கு காவியால் அழகூட்டுவது சிறப்பானது. இப்படிப் போடுவதால் மங்கலம் உண்டாகும். வீட்டு வாசலில் போடும் கோலங்களில் தெய்வீக வடிவங்கள் இடம்பெறக் கூடாது. புனிதமான பொருட்களின் வடிவங்களை வரைவதை தவிர்ப்பது நல்லது. அவற்றை பூஜை அறையில் அல்லது வீட்டிற்குள் போடலாம். 

படிக்கோலத்தின் நான்கு மூலைகளிலும் போடும் தாமரை, திசை தெய்வங்களின் ஆசியைப் பெற்றுத்தரும். வாசல் படிகளில் குறுக்குக் கோடுகள் போடுவதைத் தவிர்ப்பது நல்லது. 

கோலத்தின் தொடக்கமும் முடிவும் கோலத்தின் மேற்புறமாக அமையும்படி போடுவது அவசியம். அவ்வாறு போட்டால் ஏறு முகமான பலனை தரும். கோலத்தில் இடப்படும் காவி நிறம் சிவ சக்தி ஐக்கியத்தை உணர்த்துகிறது. இதுபோன்று கோலத்தை வீட்டில் போட்டு வந்தால், சகல நன்மையும் கிடைக்கும்.
 

காஞ்சிபுரம் மாவட்டம் மதுராந்தகத்தில் அமைந்துள்ள அங்காளம்மன் கோவிலில் மாசி மயானக்கொள்ளை திருவிழாவை முன்னிட்டு இன்று அங்காளம்மன் வல்லாளகண்டன்  வதம் செய்யும் நிகழ்ச்சி சிறப்பாக நடைபெற்றது இதில் பல ஆயிரம் பக்தர்கள் கலந்து கொண்டு வழிபட்டனர். 

மயானக் கொள்ளை தினத்தன்று அங்காளி கோப வடிவினளாக அலங்கரிக்கப்பட்டு கையில் முறம் ஒன்றில் அவல், பொரி, கடலையுடன், ஆட்டு நுரையீரல் ஒன்றும் அங்காளம்மன் வாயில் வைத்தபடி ஊர்வலமாக அழைத்து வரப்படுவார்.

இந்த அங்காளம்மனைச் சூழ்ந்து பூத கணங்களாக கருப்பு சேலை அணிந்த பூதங்கள் போல வேடம் தரித்து கூத்தாடியபடி ஊர்வலத்தில் கலந்து வருவர். அப்போது அங்காளம்மனுக்கும், அவரது பேய் பூத கணங்களுக்கும் பக்தர்கள் காணிக்கை செலுத்தி விழுந்து வணங்குவார்கள்.

ஆவடி  அய்யா அருள் பதி நிழல்தாங்களில் அய்யா வைகுண்டரரின் 1 87வது அவதார தினம் விழா    வெகுவிமர்சையாக கொண்டாடப்பட்டது.

சென்னை ஆவடி, சேக்காடு பகுதியில் உள்ள அய்யா வைகுண்ட பெருமாளின் நிழல்தாங்களில் அய்யா வைகுண்டரின்  187வது விழா  வெகுவிமர்சையாக கொண்டாடப்பட்டது. விழாவையொட்டி
அய்யா வைகுண்ட பெருமாளுக்கு சிறப்பு அலங்காரம், சிறப்பு வழிபாடு நடைபெற்றது.இதனை தொடர்ந்து   ஊஞ்சல் சேவை வாகன சேவை  பால்குடம்  எடுத்துபெண்கள் வழிபட்டனர்.அய்யா     போன்ற நிகழ்ச்சிகள்  சிறப்புப்பாக நடைபெற்றது.

பின்னர் அன்னதானமும் நடைபெற்றது.இதில் சென்னை மற்றும் அதை சுற்றியுள்ள பகுதிகளில் 500 க்கு மேற்பட்ட பக்தர்கள் கலந்த கொண்டு சாமி தரிசனம் செய்தனர்.

இதில் அய்யா வாகன சேவையின் போது  பெண்கள் பரவசநிலை அடைந்தனர். விழாவை அய்யா வழி திரு விழா அவடி சேர்காடு அய்யா அருள் பதி நிழல்தாஙகலில்  தர்மகத்தா  பற்குணம் அய்யா    சீசர் சிகுமார் மற்றும் நிர்வாகிகள் வெகு சிறப்பான ஏற்பாடுகள் செய்திருந்தனர்.