Blog

திருவண்ணாமலை நகரில் உள்ள அருள்மிகு அருணாசலேஸ்வரர் திருக்கோயிலில் கார்த்திகை தீப திருவிழா கடந்த 17 ஆம் தேதி கொடியேற்றத்துடன் கோலாகலமாக தொடங்கியது, பத்து நாட்கள் நடைபெறும் தீப திருவிழாவில் ஆறாம் நாள் இரவு உற்சவத்தில் விநாயகர், முருகர், அண்ணாமலையார் உடனாகிய உண்ணாமுலையம்மன், பராசக்தி அம்மன், சண்டிகேஸ்வரர் ஆகிய பஞ்சமூர்த்திகளும் தனித்தனியே மின் விளக்குகளால் அலங்கரிக்கப்பட்ட வெள்ளித் தேரில் எழுந்தருளி திருக்கோவிலின் நான்கு மாட விதிகளை சுற்றி வந்து பக்தர்களுக்கு அருள்பாலித்தனர், பத்தாயிரத்துக்கும் மேற்பட்ட பக்தர்கள் கலந்து கொண்டு சாமி தரிசனம் செய்தனர்.

நினைத்தாலே முக்திதரும் அருணாசலேசுவரர் திருக்கோயிலில் கார்த்திகை தீப திருவிழா ஒவ்வொரு ஆண்டும் பத்து நாட்கள் நடைபெறும் அதன்படி இந்த ஆண்டுக்கான கார்த்திகை தீப திருவிழா கடந்த 17 ஆம் தேதி கொடியேற்றத்துடன் தொடங்கியது, அதனை தொடர்ந்து இன்று ஆறாம் நாள் இரவு உற்சவத்தில் திருக்கோயிலின் மூன்றாம் பிரகாரத்தில் உள்ள திருக்கல்யாண மண்டபத்தில் விநாயகர், முருகர், அண்ணாமலையார் உண்ணாமுலையம்மன், பராசக்தி அம்மன், சண்டிகேஸ்வரர் ஆகிய பஞ்ச மூர்த்திகளுக்கு சிறப்பு அபிஷேகம் செய்யப்பட்டு சிவாச்சாரியார்கள் வேத மந்திரங்கள் முழங்க மஹா தீபாராதனைகள் நடைபெற்றது, அதனைத் தொடர்ந்து பஞ்ச மூர்த்திகளும் தனித்தனியே வெள்ளித் தேரில் எழுந்தருளி திருக்கோயிலின் நான்கு மாட வீதிகளில் பவனி வந்து பக்தர்களுக்கு அருள்பாலித்தனர்.

ஆறாம் நாள் தீப திருவிழா உற்சவத்தில் முதலில் விநாயகர், இரண்டாவதாக முருகர், மூன்றாவதாக அண்ணாமலையார் உண்ணாமலையம்மன், நான்காவதாக பராசக்தி அம்மன், ஐந்தாவதாக சண்டிகேஸ்வரர் ஆகிய பஞ்ச மூர்த்திகள் ஒன்றன்பின் ஒன்றாக சென்று திருக்கோயிலின் நான்கு மாட வீதிகளை சுற்றி பவனி வந்தனர்.

தீபத் திருவிழாவின் முக்கிய திருவிழாவாக கருதக்கூடிய ஏழாம் நாள் திருவிழா நாளை காலை நடைபெற உள்ளது, இதில் பஞ்ச மூர்த்திகளும் தனித்தனி மரத்தேரில் எழுந்தருளி நான்கு மாட வீதிகளில் பவனி வந்து பக்தர்கள் காட்சியளிக்க உள்ளனர்.

பிரசித்தி பெற்ற மதுரை அருள்மிகு கள்ளழகர் திருக்கோவில் 18ம், படி இராஜகோபுர குடமுழுக்கு நன்னீராட்டு விழா அதிவிமரிசையாக நடைபெற்று வருகிறது. பல ஆயிரக்கணக்கான பக்தர்கள் கலந்து கொண்டு கோவிந்தா! கோவிந்தா!  என்று கோஷங்கள் முழங்க சாமி தரிசனம் செய்தனர்.

மதுரை மாவட்டம் மேலூர் அருகே உள்ள அருள்மிகு கள்ளழகர் திருக்கோவில் 108 வைணவ திருத்தலங்களில் முக்கியமான திருத்தலமாகும். இதனால் இக்கோவில் தென்திருப்பதி என்று அழைக்கப்படுகிறது.  இக்கோவிலில் மாதந்தோறும் விழாக்கள் நடைபெற்றாலும் சித்திரை மாதம் நடைபெறும் அழகர் வைகை ஆற்றில் இறங்கும் நிகழ்வும், ஆடி மாதம் நடைபெறும் ஆடித் தேரோட்டமும் உலக புகழ்பெற்றதாகும்.

இத்தகைய சிறப்பு வாய்ந்த இக்கோவிலின் 18ம் படி இராஜகோபுரத்திற்கு குடமுழுக்கு விழா கடந்த 2011ஆம் ஆண்டு நடைபெற்றது. 12 ஆண்டுகளுக்கு ஒருமுறை குடமுழுக்கு விழா நடத்துவது என்பது ஆகம விதியாகும் அதன்படி இந்த ஆண்டு குடமுழுக்கு விழா நடத்த தமிழக அரசின் அறநிலைத்துறை முடிவு செய்து அதற்காக சுமார் 2 கோடி ரூபாய் ஒதிக்கீடு செய்தது.

120 அடி உயரம் கொண்ட இந்த இராஜகோபுரம் 7நிலைகளைக் கொண்டது. கோபுரத்தில் உச்சியில் 6.1/2 அடி உயரம் கொண்ட 7 கலசங்கள் உள்ளன. இந்த இராஜகோபுரத்தின் கீழ் 18ம் படி கருப்பசாமி கோவில் உள்ளது. இங்கு சிலைவழிபாடு கிடையாது அங்குள்ள நிலை கதவுகளுக்கும், 18 படிகளுக்கும் தீபாராதனை வழிபாடு மட்டும் நடைபெறும்.  இதன் பழமை மாறாமல் இருக்க கடுக்காய், சுண்ணாம்பு, பணங்கற்கண்டு ஆகிய பொருட்களை கொண்டு புனரமைக்கும் பணியானது நடைபெற்று வந்தது.இந்நிலையில் வண்ணங்கள் பூசப்பட்டு புனரமைக்கும் பணி நிறைவு பெற்று ராஜகோபுரம் புதுப்பொலிவுடன் காட்சியளித்தது.

பணிகள் நிறைவு பெற்ற நிலையில் நவம்பர் 23ஆம் தேதி இன்று கும்பாபிஷேகம் நடைபெறும் என்று கோவில் நிர்வாகத்தால் அறிவிக்கப்பட்டது. அதனைத் தொடர்ந்து நவம்பர் 3ஆம் தேதி கோவில் முன்பாக உள்ள திருக்கல்யாண மண்டபத்தில் யாக சாலை அமைப்பதற்கான முகூர்த்தக்கால் நடும் நிகழ்ச்சி நடைபெற்றது. யாக சாலையில்  தனித்தனியாக 8 யாக குண்டங்கள் அமைக்கப்பட்டன. அதனையடுத்து நவ-21 நேற்று முன்தினம் காலை 9 மணியளவில் வாஸ்து சாந்தி பூஜையுடன் யாகசாலை பூஜைகள் தொடங்கின.

மூலவர் சன்னதியில் பூஜை செய்யப்பட்ட நூபுர கங்கை தீர்த்த குடங்கள் மேளதாளங்கள் முழங்க கோவில் யானை சுந்தரவல்லி முன்னே செல்ல பட்டர்கள் ஊர்வலமாக தீர்த்தக் குடங்களை யாகசாலைக்கு எடுத்து வந்தனர். யாக சாலையில் 160 தீர்த்த கலசங்கள் வைக்கப்பட்டிருந்தன. இதில் கள்ளழகர் கோவில் சுந்தர நாராயண அம்பி பட்டர் தலைமையில் 40க்கும் மேற்பட்ட பட்டர்கள் கலந்து கொண்டு அன்று மாலை 5 மணியளவில் முதற்கால யாக பூஜைகள் நடைபெற்றது. நவ-22 நேற்று காலை 2 ஆம் கால பூஜையும் மாலை 3 ஆம் கால பூஜையும் வேத மந்திரங்கள் ஒலிக்க நடைபெற்றது.

 3 ஆம் நாளான இன்று காலை புண்யாகவாசனம், பூர்ணாகுதி, தீர்த்த குடங்களுக்கு தீபாராதணைகள் காட்டபட்டு 9:15 மணிக்கு மேல் திருக்கல்யாண மண்டப யாக சாலையில் இருந்து மேலதாளங்கள் முழங்க தீவட்டி பரிவாரங்களுடன் கோவில் யானை சுந்தரவல்லி முன்னே செல்ல பட்டர்கள்  தீர்த்த குடங்களை தலையில் சுமந்தவாறு கடம்புறப்பாடாகி ஊர்வலமாக 18 ம் படி இராஜகோபுரத்திற்கு எடுத்து வந்தனர். வேத மந்திரங்கள் முழங்க தீர்தகுடங்களில் இருந்த புனித நீரானது கலசங்களில் சுமார் 9:43 மணிக்கு ஊற்றப்பட்டு தீபாராதனை காட்டப்பட்டு மஹா கும்பாபிஷேகம் சிறப்பாக நடைபெற்றது. அதனைத் தொடர்ந்து கோவில் நிர்வாகம் சார்பாக ஆங்காங்கே பைப்புகள் அமைத்து பக்தர்கள் மீது புனித நீரானது தெளிக்கப்பட்டது. தொடர்ந்து ஹெலிகாப்டர் மூலமாக ராஜ கோபுரத்தின் மீதும் பக்தர்கள் மீது மலர்கள் தூவப்பட்டன.

மேலூர், கள்ளந்திரி, மாங்குளம், வல்லாளபட்டி, கிடாரிபட்டி உள்ளிட்ட மதுரை மாவட்டத்தின் பல்வேறு சுற்றுவட்டார பகுதிகளில் இருந்தும் திண்டுக்கல், சிவகங்கை, தேனி, ராமநாதபுரம் உள்ளிட்ட பல்வேறு மாவட்டங்களில் இருந்தும் பல்லாயிரகணக்காண பக்தர்கள் கலந்து கொண்டு கோவிந்தா! கோவிந்தா!  என்று கோஷங்கள் முழங்க சாமி தரிசனம் செய்தனர்.

பக்தர்களின் பாதுகாப்பிற்காக மதுரை மாவட்ட காவல் கண்காணிப்பாளர் சிவப்பிரசாத் தலைமையில் சுமார் 500க்கும் மேற்பட்ட காவலர்கள் கண்காணிப்பு கோபுரங்கள் அமைத்து பாதுகாப்பில் ஈடுபட்டிருந்தனர். மேலும் மேலூர், மதுரை பெரியார் பேருந்து நிலையம், நத்தம் உள்ளிட்ட பகுதிகளில் இருந்து சிறப்பு பேருந்துகள் பக்தர்களின் வசதிக்காக இயக்கப்பட்டன. பக்தர்களுக்கு கோவில் நிர்வாகத்தின் சார்பாக சிறப்பு அன்னதானம் நடைபெற்றது.

புகழ்பெற்ற சிக்கல் சிங்காரவேலர் ஆலயத்தில் கந்த சஷ்டி விழாவை முன்னிட்டு வள்ளி திருமண காட்சி,  யானையுடன் வள்ளியை பயமுறுத்தும் காட்சி தத்ரூபமாக நடத்தி காட்டி திருமணம் நடைபெற்றது ஆயிரக்கணக்கான பக்தர்கள் சுவாமி தரிசனம் செய்தனர்.

நாகப்பட்டினத்தை அடுத்த சிக்கலில் புகழ்பெற்ற சிங்காரவேலர் ஆலயம் அமைந்துள்ளது ஆலயத்தின் கந்த சஷ்டி விழா கடந்த மாதம் 13ஆம் தேதி கணபதி ஹோமத்துடன்  துவங்கி நடைபெற்று வருகிறது. விழாவின் முக்கிய நிகழ்ச்சியாக வள்ளி முருகன் திருமணம் நடைபெற்றது.

இதனை முன்னிட்டு குறவள்ளி முருகனை சந்திப்பதும் அப்போது விநாயகர் பெருமான் யானை ரூபத்தில் வந்து வள்ளியை பயமுறுத்துவதும் அதனைத் தொடர்ந்து முருகனை வள்ளி அடைக்கலமாகி திருமண காட்சி நடைபெறுவதும் நடைபெற்றது.  

யானை அழைத்து வரப்பட்டு யானை பிளிருவதும் அதனை அடுத்து யானைக்கு பயந்து வள்ளி முருகனை சந்திப்பதும் அடியார்களால் தத்ரூபமாக செய்து காண்பிக்கப்பட்டது. தொடர்ந்து வேதியர்கள் மந்திரம் முழங்க யாகம் வளர்க்கப்பட்டு மாங்கல்யதாரணம் நிகழ்ச்சி நடைபெற்றது. அதனை எடுத்து மாலை மாற்றும் வைபவம் மகா தீபாரதனை உள்ளிட்டவைய் செய்யப்பட்டு வள்ளி திருமணம் நடைபெற்றது ஆயிரக்கணக்கான பக்தர்கள் பங்கேற்று சுவாமி தரிசனம் செய்தனர்.