Author: லிங்கேஷ்

குன்றத்தூர் திருநாகேஸ்வரர் கோவிலின் பிரம்மோற்சவ விழாவை முன்னிட்டு தேர் திருவிழா கோலாகலம்,ஆயிரக்கணக்கான பக்தர்கள் பங்கேற்பு.

பெரிய புராணத்தை இயற்றிய சேக்கிழாரால் சென்னை அடுத்த  குன்றத்தூரில் கட்டப்பட்ட  நாகேச்சர சுவாமி கோவில் உள்ளது. இந்த கோவில் நவகிரக ஸ்தங்களில் ராகு ஸ்தலமாக விளங்குகிறது. இந்த கோவிலில் ஆண்டுதோறும் பிரம்மோற்சவ விழா நடைபெறுவது வழக்கம் இந்த நிலையில் சித்திரை மாதம் பிரம்மோற்சவ விழா கடந்த 14ம் தேதி காலை கொடியேற்றத்துடன் துவங்கியது.

தினமும் காலை, மாலை பல்வேறு வாகனங்களில் சுவாமி எழுந்தருளி வீதி உலா சென்றார். இந்த பிரம்மோற்சவ விழாவின் ஏழாவது நாளான இன்று திருத்தேர் விழா நடந்தது. காலையில் அலங்கரிக்கப்பட்ட தேரில் சுவாமி எழுந்தருளினார்.

தேர் திருவிழாவை அமைச்சர் தா.மோ. அன்பரசன் தேரின் வடம் பிடித்து இழுத்து தொடங்கி வைத்தார். அதனை தொடர்ந்து நிலையத்தில் புறப்பட்ட தேரை  ஆயிரக்கணக்கான பக்தர்கள் வடம் பிடித்து இழுத்தனர். நான்கு மாட வீதி வழியாக பவனி சென்றது. தேரின் நான்கு சக்கரமும் நன்கொடையாளர்கள் மூலம் இரும்பு சக்கரமாக அன்மையில் மாற்றியமைக்கப்பட்டது. இதனால் தேர் இயக்குவதற்கு எளிதாக இருந்தது.

தேர் சென்ற வழிநெடுக்கிலும் அன்னதானம், மோர், குளர்பானம் வழக்கப்பட்டது. அசம்பாவிதம் ஏற்படாமல் இருக்க குன்றத்துார் போலீசார் பாதுகாப்பு பணியில் ஈடுப்பட்டனர். தேர் திருவிழாவை முன்னிட்டு முக்கிய சாலைகள் அடைக்கப்பட்டு பேருந்துகள் மற்றும் வாகனங்கள் செல்ல தடை விதிக்கப்பட்டது.

சீர்காழி சட்டநாதர் கோயிலில் திருநிலை நாயகி அம்பாள் உடனுறை ஸ்ரீ பிரமபுரீஸ்வரர் திருக்கல்யாண வைபவம்  பக்தர்கள் பங்கேற்று தரிசனம்.

மயிலாடுதுறை மாவட்டம் சீர்காழி தருமபுர ஆதினத்துக்கு சொந்தமான சட்டை நாதர் கோவில் அமைந்துள்ளது. திருநிலை நாயகி அம்பாள் உடனுறை பிரமமபுரீஸ்வரர், முத்து சட்டைநாதர், தோனியப்பர், அருள்பாலித்து வருகின்றனர். கடந்த 14ஆம் தேதி கொடியேற்றத்துடன் சித்திரை திருவிழா நடைபெற்று வருகிறது.

ஆறாம் நாள் திருவிழாவான திருக்கல்யாண வைபவம் வெகு விமர்சியாக நடைபெற்றது .திருநிலை நாயகி அம்பாள் பிரம்மபுரீஸ்வரருக்கு வசந்த மண்டபத்தில் எழுந்தருளி வேத விற்பனர்கள் மந்திரம் ஓதி யாகம் வளர்க்கப்பட்டு சிறப்பு அலங்காரத்தில் திருக்கல்யாண வைபவம் நடைபெற்றது. முன்னதாக    மாப்பிளை அழைப்பு பெண் அழைப்பு மாலை மாற்றும் நிகழ்வு  நடைபெற்றது.

தொடர்ந்து திருநிலை நாயகி அம்பாள் உடனுறை பிரம்மபுரீஸ்வரர்  திருக்கல்யாணம் நடைபெற்றது இதில் திரளான பெண்கள் மற்றும் பொதுமக்கள் கலந்து கொண்டு திருக்கல்யாண வைபத்தை கண்டு களித்தனர்.

மிகவும் பிரசித்திபெற்ற ஸ்தலங்களில் ஒன்றான பட்டுக்கோட்டை அருகே கரம்பயம் முத்துமாரியம்மன் கோயில் தேரோட்டம் இன்று மாலை வெகு விமரிசையாக நடந்தது – மேளதாளம், தப்பாட்டம் முழங்க ஆட்டம், பாட்டம் கொண்டாட்டத்துடன் பல்லாயிரக்கணக்கான பக்தர்கள் தேரை வடம் பிடித்து இழுத்தனர் – கிராமம் முழுவதும் மக்கள் தலைகளாகவே காணப்பட்ட கோலாகலம்.

மிகவும் பிரசித்திபெற்ற ஸ்தலங்களில் ஒன்றான தஞ்சை மாவட்டம், பட்டுக்கோட்டை அடுத்த கரம்பயம் அருள்மிகு முத்துமாரியம்மன் திருக்கோயில் பங்குனி பெருந்திருவிழா காப்பு கட்டுதலுடன் தொடங்கி நடைபெற்று வருகிறது. திருவிழாவின் முக்கிய நாளான தேரோட்டம் இன்று மாலை வெகு விமரிசையாக நடந்தது.

பெரிய தேரில் முத்துமாரியம்மனும்,  அய்யனார் ஒரு தேரிலும், முருகன் ஒரு தேரிலும் மொத்தம் 3 தேர்கள் கோயிலைச் சுற்றி வலம் வந்தது. மேளதாளம், தப்பாட்டம் முழங்க, ஆட்டம், பாட்டம் கொண்டாட்டத்துடன் பல்லாயிரக்கணக்கான பக்தர்கள் தேரை வடம் பிடித்து இழுத்தனர். அப்போது பக்தர்கள் தாயே முத்துமாரியம்மா என்று விண்ணதிர கோஷங்களை எழுப்பினர்.

இந்த தேர்த்திருவிழாவை காண பட்டுக்கோட்டை மற்றும் அதனை சுற்றியுள்ள கிராமங்களைச் சேர்ந்த பல்லாயிரக்கணக்கான பக்தர்கள் கலந்து கொண்டு தேரை வடம்பிடித்து இழுத்து அருள்மிகு முத்துமாரியம்மன் அருளைப் பெற்றுச் சென்றனர். தேர்த் திருவிழாவை முன்னிட்டு கிராமம் முழுவதும் மக்கள் தலைகளாகவே காணப்பட்டு கோலாகலமாக நடந்தது.