Blog

மழை வேண்டியும் உலக நன்மைகாகவும் ஸ்ரீ காஞ்சி காமகோடி விஜேந்திர சரஸ்வதி சங்கராச்சாரிய சுவாமிகள் தலைமையில் 64  சிவாச்சாரிய தம்பதிகள்,  சிறப்பு பிராத்தனையில் ஈடுபட்டனர்.

சென்னை அடுத்த மதுரவாயலில் அகில இந்திய ஆதிசைவ சிவாச்சாரியார்கள் சேவா சங்கம் சார்பில் மழை வேண்டியும்,உலக நன்மைகாகவும் சிறப்பு வழிபாடு நடைபெற்றது.இதில் ஸ்ரீ காஞ்சி காமகோடி விஜேந்திர சரஸ்வதி சங்கராச்சாரிய சுவாமிகள் தலைமையில் கணபதி பூஜை,ருத்ர பாராயணம்,வருணஜபம் மற்றும் 64 சிவாச்சாரியர்கள் தங்கள் துணைவியுடன் அமர்ந்து சிறப்பு பிரார்த்தனை மற்றும் பூஜையில் ஈடுபட்டனர்.  

இதனை தொடர்ந்து பைரவர் பூஜையும் நடைபெற்றது.இந்த பூஜைக்காக 26 தலைகள் மற்றும் 48 கரங்கள் கொண்ட சிவன் பார்வதியின் பிரமாண்ட உருவம்  அமைக்கப்பட்டு இருந்தன. பூஜையில் சிவாச்சாரியார்கள் மட்டுமல்லாமல் 500 க்கும் மேற்பட்ட பொதுமக்களும் கலந்து கொண்டு பிராத்தனையில் ஈடுபட்டனர்.

திருப்பரங்குன்றம் மீனாட்சி நகரில் உள்ள அருள்மிகு ராமலிங்க சவுடேஸ்வரி அம்மன் கோவிலில் நேர்த்தி கடன் செலுத்த பக்தர்களின் உடம்பில் கத்தி போடும் வினோத திருவிழா நடைபெற்றது.

மதுரை மாவட்டம். திருப்பரங்குன்றம்  மீனாட்சி நகரில் அமைந்துள்ள தேவாங்கர் மகாஜன அறக்கட்டளைக்கு பாத்தியப்பட்ட ஸ்ரீ ராமலிங்க சௌடேஸ்வரி அம்மன் திருக்கோவிலில் 20 ஆண்டு மகா உற்சவ விழா வெகு சிறப்பாக நடைபெற்றது.

இதன் முக்கிய நிகழ்ச்சியான இன்று கத்தி போடும் திருவிழாவை முன்னிட்டு கோவிலிலிருந்து சாமி பெட்டியை எடுத்து வைகை ஆற்றுக்கு கொண்டு சென்று அங்கிருந்து கோவில் நிர்வாகிகள் பக்தர்கள் சக்தி கரகம் எடுத்து ஊர்வலமாக வந்தனர். பக்தர்கள் அம்மனை வரவழைக்கும் நிகழ்வாக  நூற்றுக்கும் மேற்பட்ட பக்தர்கள் உடம்பில் கத்தி போட்டு வினோதமாக அம்மனுக்கு நேர்த்திக்கடன் செலுத்தினர்.

இந்நிகழ்ச்சியில் வில்லாபுரம்.  ஜெய்ஹிந்புரம். செல்லூர், அவனியாபுரம் உள்ளிட்ட சுற்றுப் பகுதிகளில் இருந்து ஏராளமான பக்தர்கள் கலந்து கொண்டனர். பலரும் பக்தி பரவசத்துடன் ஓம்சக்தி கோஷம் முழங்க தரிசனம் செய்தனர்.
 

சிவன் கோயிலில் நந்தி சிலையின் குறுக்கே செல்லக்கூடாது ஏன் என்று தெரியுமா?
ஒவ்வொரு சிவன் கோயில் வாசலிலும் நந்தி மண்டபம் காணப்படும். பிரதோஷ காலங்களில் நந்திக்கு சிறப்பு பூஜை செய்து முக்கியத்துவம் கொடுப்பர். நந்தியின் குறுக்கே செல்லக்கூடாது என பலரும் கூறுவர்.

இதற்கு காரணம் நந்தி கர்ப்பகிரகத்திலுள்ள சிவனைப் பார்த்தவாறு இருக்கும். நந்தி சிவனின் வாகனமாகும். வாகனம் எதுவாக இருந்தாலும் அது ஜீவ ஆத்துமாவை குறிக்கும். ஜீவ ஆத்துமா கருவறையில் உள்ள பரம ஆத்துமாவை (இறைவன்) குறிக்கும். 

ஜீவாத்துமாவின் குறிக்கோள் இறைவனை சென்றடைய வேண்டும் என்பது தான். இதனால் கருவறையில் உள்ள இறைவனை பார்த்த வண்ணம் உள்ளது. நந்தியின் குறுக்கே செல்ல தடை விதிக்க காரணம் கடவுளை அடைய  நினைப்பவர்களை தடுக்கும் செயலுக்கு ஒப்பாகும் என்பதால் தான். சன்னதியை மறைத்து நிற்க வேண்டாம் என்பதற்கு காரணமும் இதுதான். 

கடவுள்களுக்கெல்லாம் முதல்வன் எப்படி விநாயகரோ அதே போல் கோயில்களுக்கெல்லாம் முதல்வன் நந்தீஸ்வரர் தான். எனவே தான் விநாயகருக்குரிய அருகம்புல் மாலை நந்தீஸ்வரருக்கும் அணிவிக்கப்படுகிறது.