Blog

23 ஆண்டுகளுக்கு பின் ஆறு கரை மக்கள் ஒன்றிணைந்து கொண்டாடும் கொக்குளம் எருதுகட்டு திருவிழா வெகு விமர்சையாக நடைபெற்றுள்ளது.

பெக்காமன் கருப்பசாமி, அய்யனார், ஆதிசிவன், முத்தையா சுவாமி, பேச்சியம்மன்,  காமாட்சியம்மன் என்ற ஆறு தெய்வங்களின் எல்லை பகுதிகளை உள்ளடக்கி, இந்த தெய்வங்களில் பேக்காமன் கருப்பசாமி, அய்யனார், ஆதிசிவன், முத்தையா சுவாமிகளுக்கு சிலை வடிவமைக்கப்பட்டு, அந்த அந்த கோவில்களுக்கு கொண்டு சென்று கிடாவெட்டி படையல் செய்து வழிபாடு செய்யும் திருவிழாவாக கொண்டாடப்படுகிறது. 

முதல்நாள் திருவிழாவாக குதிரை எடுப்பு திருவிழாவில் பாறைப்பட்டி எனும் இடத்திலிருந்து அந்த அந்த கோவில்களுக்கு கொண்டு செல்லப்படும் குதிரைகளை எடுத்து செல்லும் நிகழ்வு நடைபெற்றது… சுவாமி ஊர்வலத்தை காண லட்சக்கணக்கான பக்தர்கள் கூடி தரிசனம் செய்து பூஜைகள் செய்தனர்..

மேலும் மதுரை, தேனி, திண்டுக்கல் உள்ளிட்ட தமிழகத்தில் பல்வேறு பகுதிகளிலிருந்து கூடியுள்ள மக்களை பாதுகாக்க மதுரை மாவட்ட காவல் கண்காணிப்பாளரின் உத்தரவின் பேரில் ஏ.டி.எஸ்.பி. வனிதா தலைமையில் ஆயிரக்கணக்கான போலிசார் பாதுகாப்பு பணியில் ஈடுபடுத்தப்பட்டிருந்தனர்…

முருகன் கங்கையால் தாங்கப்பட்டான். இதனால் காங்கேயன் என்று பெயர் பெற்றான். சரவணப் பொய்கையில் உதித்தான். ஆகையினால் சரவண பவன் என்று அழைக்கப்பட்டான். கார்த்திகை பெண்களால் வளர்க்கப்பட்டதால் கார்த்திகேயன் என்றும் சக்தியினால் ஆறு உருவமும் ஓர் உருவ மாக ஆக்கப்பட்டதால் கந்தன் என்றும் பெயர் கொண்டான்.

முருகனின் கையில் உள்ள வேல் இறைவனின் ஞானசக்தி எனப் பெயர் பெறும்.

முருகனே திருஞான சம்பந்தராய் அவதாரம் செய்தார் என்று பலர் பாடியுள்ளனர்.

பிரமசரிய-கிருகஸ்த-சந்நியாசக் கோலங்களில் முருகனை மட்டுமே காண முடியும். பிற கடவுள்களுக்கு இல்லாத சிறப்பு இது.

முருகப்பெருமான் போர் புரிந்து அசுரர்களை அழித்த இடம் மூன்றாகும். 1. சூரபத்மனை வதம் செய்தது-திருச்செந்தூர், 2. தாரகாசுரனை வதம் செய்தது- திருப்பரங்குன்றம், 3. இந்த இருவரின் சகோதரனான சிங்க முகாசுரனை வதம் செய்தது போரூர் ஆகும்.

செவ்வாய் தோஷம் உள்ளவர்கள் அதிகாலையில் குளித்து முடித்துத் தூய்மையுடன் ஸ்ரீஸ்ரீசுப்பிரமண்ய அஷ்டகம் ஓத வேண்டும். இதனால் தோஷம் விலகி நன்மை உண்டாகும்.

முருகப்பெருமானின் வலப்புறம் உள்ள ஆறு கரங்களில் அபயகரம், கோழிக்கொடி, வச்சிரம், அங்குசம், அம்பு, வேல் என்ற ஆறு ஆயுதங்களும், இடப்புறம் உள்ள ஆறு கரங்களில் வரமளிக்கும் கை, தாமரை, மணி, மழு, தண்டாயுதம், வில் போன்றவையும் இருக்கும்.

கந்தபுராணத்தில் வரும் சுப்பிரமணிய ஸ்தோத்திரம் தினசரி அதிகாலையில் படிப்பவர்களது அனைத்துப் பாவங்களும் நிவர்த்தியாகும்.

 தமிழகத்தில் முருகனுக்குக்குடவரைக் கோயில்கள் உள்ள இடங்கள் கழுகுமலை, திருக்கழுக்குன்றம், குன்றக்குடி, குடுமியான்மலை, சித்தன்னவாசல், வள்ளிக் கோயில், மாமல்லபுரம்.

மலைகளில் குடி கொண்டுள்ள குமரனுக்குச் சிலம்பன் என்றோரு பெயர் உள்ளது.

 முருகப்பெருமானுக்கு உகந்த மலர்கள் முல்லை, சாமந்தி, ரோஜா, காந்தன் முதலியவை ஆகும்.

முருகனைப் போன்று கருப்பை வாசம் செய்யாத வேறு தெய்வம் வீரபத்திரர்.

 கந்தனுக்குரிய விரதங்கள்: 1. வார விரதம், 2. நட்சத்திர விரதம், 3. திதி விரதம்.

முருகனின் மூலமந்திரம் ஓம் சரவணபவாய நம என்பதாகும்.