Blog

தென்காசி  காசி விசுவநாதர் கோயில் முன்பு நடைபெற்ற கிருஷ்ண ஜெயந்தி பேரணியில் நூற்றுக்கும் மேற்பட்ட குழந்தைகள் கிருஷ்ணர் ராதை வேடமிட்டு கலந்து கொண்டனர்.

தமிழகத்தில் பல்வேறு பகுதிகளில் கிருஷ்ண ஜெயந்தி சிறப்பாக கொண்டாடப்பட்டு வரும் நிலையில் அதன் ஒரு பகுதியாக தென்காசி மாவட்டத்தில் தென்காசி காசி விசுவநாதர் கோயில் முன்பு கிருஷ்ண ஜெயந்தியை கொண்டாடும் வகையில் நூற்றுக்கும் மேற்பட்ட குழந்தைகள் கிருஷ்ணர் ராதை சிவன் முருகன் உள்ளிட்ட பல்வேறு வேடங்கள் அணிந்து வந்தனர்.

பெரிய கோயில் முன்பிருந்து பேரணியாக சென்றனர் கோயில் முன்பு தொடங்கிய இந்த பேரணி ரத வீதியை சுற்றி மீண்டும் கோயில் முன்பு நிறைவு பெற்றது இதில் குழந்தைகள் பெற்றோர்கள் என பலர் கலந்து கொண்டனர்.

தருமபுரி மாவட்டம் அரூர் வட்டம், வேப்பம்பட்டி கிராமத்தில் அமைந்துள்ள ஸ்ரீ திரௌபதியம்மன் 6-ஆம் ஆண்டு திருத்தேர் விழா  வெகு விமர்சையாக நடைபெற்றது. வேப்பம்பட்டியில் அருள்பாலிக்கும் தர்மபத்தினி குருச்சேத்திரப் காபலி  ஸ்ரீ திரௌபதியம்மன் தேர்த்திருவிழா கடந்த எட்டாம் தேதி தொடங்கி வருகின்ற எட்டாம் தேதி வரை நடைபெறுகிறது. தேர் திருவிழாவை முன்னிட்டு மாப்பிள்ளை வீட்டார் பெண் வீட்டார் ஒன்று கூடி ஸ்ரீ திரௌபதியம்மன் திருக்கல்யாணம் நடைபெற்றது.

இதனைத் தொடர்ந்து அம்மனுக்கு மாவிளக்கு எடுத்தல் கூழ் ஊற்றுதல் கரகாட்டம் உள்ளிட்ட நிகழ்ச்சிகள் நடைபெற்றன. பல்வேறு நிகழ்ச்சிகளுக்கு பிறகு ஸ்ரீ திரௌபதியம்மன் திருத்தேரோட்டம் வெகு விமர்சையாக நடைபெற்றது.

தேரோட்ட நிகழ்வில் பல்வேறு பகுதிகளில் இருந்து வந்த ஆயிரக்கணக்கான பக்தர்கள் அம்மனை வணங்கி வழிபட்டனர். திரௌபதி அம்மனின் தேர்த்திருவிழாவில் ஆயிரக்கணக்கான பெண்கள் ஆண்கள் என கலந்து கொண்டதால் தேர் திருவிழா கலை கட்டியது.

கிருஷ்ண ஜெயந்தி, கோகுலாஷ்டமி தினத்தில் கண்ணனுக்கு படைப்பதற்கு நாம் முறுக்கு, சீடை, வெண்ணெய் என்று நிவேதனம் செய்வோம். கண்ணனுக்கு ஏன் வெண்ணைய் நிவேதனம் செய்யப்படுகிறது தெரியுமா? மக்கள் ஸ்ரீகிருஷ்ணனுக்கு வெண்ணெய் மிகவும் பிடித்தமானது என்று நினைத்து அதனை நிவேதனமாக செய்கின்றனர். உண்மை என்னவென்றால் கொடுங்கோல் மன்னனான கம்சன் மக்களுக்கு அதிக வரி விதித்தான். இந்த வரியை கட்ட முடியாமல் தவித்த மக்கள் தங்கள் வீட்டில் உள்ள நெய், வெண்ணெய் விற்று வரி கட்டினார்கள்.

கம்சனை கண்ணன் கொன்ற பிறகு அந்த மகிழ்ச்சியைக் கொண்டாடும் விதமாக அந்த ஊரைச் சேர்ந்த மக்கள் அவர்களிடம் இருந்த வெண்ணெய் அனைத்தையும் கண்ணனுக்கு பரிசாக அளித்தனர். கிருஷ்ணருக்கு வெண்ணெய் படைப்பதற்கு மற்றொரு காரணமும் உண்டு. கண்ணன் ராஜா வீட்டுப் பிள்ளை என்பதால் அவரது தாயார் தினமும் கண்ணனுக்கு வெண்ணெய் ஊட்டி ஊட்டி வளர்த்தார். அதனால் வெண்ணையின் ருசி மிகவும் பிடித்துப்போக தன் வீடு மட்டுமல்லாமல் பலர் வீடுகளில் இருக்கும் வெண்ணெயை திருடி நண்பர்களுடன் மகிழ்ச்சியாக உண்டான் கண்ணன்.

சில சமயங்களில் உரிய அடித்தும், பானையை உடைத்து தயிர் வெண்ணெய் என எதையும் விட்டு வைக்காமல் உண்டார். இருந்தாலும் கண்ணனின் அழகில் மயங்கிய கோகுல வாசிகள் அவரை அடிக்க மனமில்லாமல், திட்டவும் மனமில்லாமல் தவிர்த்தனர். இந்நிகழ்ச்சியை அடிப்படையாக வைத்து கோகுலாஷ்டமி அடுத்த நாள் தயிர் நிறைந்த பானையைத் தொங்கவிட்டு உடைப்பது பல மாநிலங்களில் வழக்கமாக உள்ளது. இதனால்தான் கோகுலாஷ்டமி அன்று கண்ணனுக்கு பிடித்தமான வெண்ணையை வைத்து வழிபாடு செய்கின்றனர்.