Category: அவசியம் படிக்க

திருவேற்காடு கருமாரியம்மன் ஆலயத்தில் ஆங்கில புத்தாண்டு முன்னிட்டு இரவு 12 மணிக்கு அம்மனுக்குசிறப்பு பூஜைகள் நடைபெற்றன.

2024 ஆம் ஆண்டு பிறந்த ஆங்கில புத்தாண்டு தினத்தை உலக நாடுகள் முழுவதும் கொண்டாடி வரும் நிலையில்  சென்னை புறநகர் பகுதியான ஆவடி அடுத்த திருவேற்காடு கருமாரியம்மன் ஆலயத்தில் இரவு 12 மணிக்கு அம்மன் கருவறையில் இரண்டு பசுகளுக்கு மஞ்சள் குங்குமம் வைத்து பட்டு ஆடை  அணிவித்துகோமாதா பூஜை நடைபெற்றது.

பின்பு கருவறையில் அமைந்துள்ள ஸ்ரீதேவி கருமாரி அம்மனுக்கு மஞ்சள் அபிஷேகம் பால் அபிஷேகம் தேன் சந்தன அபிஷேகம்அபிஷேகம் இளநீர் அபிஷேகம் போன்றபல்வேறு அபிஷேகங்கள் நடைபெற்றன பின்பு பல்வேறு மலர்களால்அலங்கரிக்கப்பட்ட அம்மனுக்கு  பல்வேறு வகையான பழங்கள் படையல் இட்டு நெய்வேத்தியம் காண்பிக்கப்பட்டு சிறப்பு பூஜைகளும் தீப ஆராதனை நடைபெற்றது.

இந்த புத்தாண்டு சிறப்பு பூஜையில் முன்னாள் அதிமுக நகர மன்ற தலைவர் மகேந்திரன் கலந்து கொண்டார் இந்த புத்தாண்டு சிறப்பு பூஜையில்ஆயிரக்கணக்கான பக்தர்களும்  கலந்து கொண்டு சாமி தரிசனம் செய்தனர் பின்பு தரிசனம் செய்து முடித்த வந்த அனைத்து பக்தர்களுக்கும் பிரசாதம் வழங்கினார்.   

திருத்தணி முருகன் கோயிலில் பிரபல திரைப்பட நடிகர் யோகி பாபு நள்ளிரவு புத்தாண்டு சிறப்பு தரிசனம் செய்தார்.

திருவள்ளூர் மாவட்டம் திருத்தணி சுப்பிரமணிய சுவாமி திருக்கோயில் முருகப்பெருமானின் பிரசித்தி பெற்ற ஐந்தாம் படை திருக்கோயில் ஆகும் இந்த திருக்கோயிலில் 2024 ஆங்கில புத்தாண்டு சிறப்பு நிகழ்ச்சி நள்ளிரவு மூலவர் முருகப்பெருமானுக்கு சிறப்பு மகா தீப ஆராதனை காண்பிக்கப்பட்டது

இந்நிகழ்ச்சியில் நள்ளிரவு 12 மணிக்கு சிறப்பு பூஜையில் கலந்து கொண்டார் பிரபல திரைப்பட நடிகர் யோகி பாபு அவருக்கு திருக்கோயில் நிர்வாகத்தின் சார்பில் அறங்காவலர் குழு தலைவர் ஸ்ரீதரன் அறங்காவலர்கள்- சுரேஷ் பாபு, நாகன், ஆகியோர்கள் மலர்மாலை மற்றும் பிரசாதங்கள் வழங்கி கௌரவம் செய்தனர்

இதனைத் தொடர்ந்து திரைப்பட நடிகர் யோகி பாபு உடன் முருக பக்தர்கள் செல்பி எடுத்துக் கொண்டு ஆங்கில புத்தாண்டு வாழ்த்துக்கள் கோரி மகிழ்ந்தனர். இந்த சிறப்பு நள்ளிரவு நிகழ்ச்சியில் ஆயிரக்கணக்கான பக்தர்கள் முருகப்பெருமானை தரிசனம் செய்ய மலைக்கோவிலில் குவிந்தனர் இரண்டு மணி நேரம் காத்திருந்து சாமி தரிசனம் செய்து வருகின்றனர்..

காரைக்கால் அடுத்த திருநள்ளாறிலுள்ள பிரசித்தி பெற்ற அருள்மிகு ஸ்ரீதர்ப்பாரண்யேஸ்வர சுவாமி தேவஸ்தானத்தில் ஆருத்ரா தரிசன விழாவில் நடராஜர் கோபுர தரிசனம் அருளினார். இதில் ஏராளமான பக்தர்கள் சுவாமி தரிசனம்.  

புதுச்சேரி மாநிலம் காரைக்கால் அடுத்த திருநள்ளாறில் அமைந்துள்ள உலக பிரசித்தி பெற்ற அருள்மிகு ஸ்ரீ தர்ப்பாரண்யேஸ்வர சுவாமி தேவஸ்தானத்தில் ஆண்டு தோறும் ஆருத்ரா உற்சவம் மிகச் சிறப்பாக நடைபெற்று வருகிறது. அதைப்போல் இந்த ஆண்டு ஆருத்ரா உற்சவத்தை முன்னிட்டு 10 நாட்களும் தினமும் திருவெம்பாவையின் 21 பாடல்களையும் பாடி சிவனுக்கு வழிபாடு நடைபெற்றது.

சிவன், அம்பாள் பொன்னூஞ்சல் உற்சவம் நேற்று இரவு மிக விமரிசையாக நடைபெற்றது. ஆருத்ரா உற்சவத்தை முன்னிட்டு சிவன்,அம்பாள் மற்றும் மாணிக்கவாசகருக்கு சிறப்பு பூஜைகள் நடைபெற்றது. இன்று காலை ஸ்ரீநடராஜர் மற்றும் ஸ்ரீசிவகாமி தாயாருக்கும் மகா அபிஷேகம் நடைபெற்றது. இன்று பிற்பகல் ஸ்ரீநடராஜர் ஆருத்ரா கோபுர தரிசனம் நிகழ்ச்சி வெகு விமரிசையாக நடைபெற்றது. முன்னதாக கோ பூஜையும் விமரிசையாக நடைபெற்றது.

தொடர்ந்து ஸ்ரீநடராஜர்,ஸ்ரீசிவகாமி அம்பாள் சமேதராக எழுந்தருளி வீதியுலா  வந்து பக்தர்களுக்கு அருள் பாலித்தார். விழாவில் தருமபுர ஆதீன கட்டளை விசாரணை ஸ்ரீலஸ்ரீ கந்தசாமி தம்பிரான் சுவாமிகள்,ஆலய நிர்வாக அதிகாரி அருணகிரிநாதர் உள்ளிட்ட ஏராளமான பக்தர்கள் கலந்து கொண்டு சுவாமி தரிசனம் செய்தனர்.