Author: லிங்கேஷ்

திருப்போரூர் கந்தசாமி கோயிலில் பிரம்மோற்சவ விழா கொடியேற்றத்துடன் தொடங்கி உள்ளது.  
செங்கல்பட்டை அடுத்த திருப்போரூர் கந்தசாமி கோயிலில் வள்ளி, தெய்வானை உடனுறை கந்தசாமி சுயம்பு வடிவில் நின்ற கோலத்தில் காட்சி தருகிறார். 
இக்கோயிலில் பிரம்மோற்சவ விழா கொடியேற்றத்துடன் தொடங்கி உள்ளது. வரும் 22-ஆம் தேதி வரை 13 நாள்களுக்கு பிரம்மோற்சவ விழா நடைபெறவுள்ளது. 

நிகழ்ச்சி நிரல்….
11-ஆம் தேதி காலையில் தொட்டி உற்சவம், இரவு பூதவாகனம்,
12-ஆம் தேதி காலை புருஷாமிருகம் உபதேச உற்சவமும், இரவு வெள்ளி அன்ன வாகனமும், 
13-ஆம் தேதி காலை ஆட்டுக்கிடா வாகன உற்சவம், இரவு வெள்ளி மயில் வாகனம், 
14-ஆம் தேதி வியாழக்கிழமை காலை மங்களகிரி உற்சவம், இரவு தங்கமயில் வாகனம், பஞ்சமூர்த்தி புறப்பாடு ஆகியவை நடத்தப்படும்.
15-ஆம் தேதி காலை தொட்டி உற்சவம், இரவு யானை வாகன உற்சவம், 
16-ஆம் தேதி காலை ரத உற்சவம் எனப்படும் தேரோட்டம், இரவு மங்களாசாசன உற்வசம், 
17-ஆம் தேதி காலையில் வெள்ளித் தொட்டி உற்சவம், மாலை பரிவேட்டை உற்சவம், இரவு குதிரை வாகன உற்சவம், 
18-ஆம் தேதி காலை விமான உற்சவம், இரவு சிம்ம வாகனம், ஆறுமுக சுவாமிக்கு அபிஷேகம் மற்றும் உற்சவம், 
19-ஆம் தேதி காலை வெள்ளித் தொட்டி உற்சவம், நண்பகல் தீர்த்தவாரி, மாலை தெப்பல் உற்சவம், இரவு குதிரை வாகனம், மெளன உற்சவம், சண்டிகேஸ்வரர் உற்சவம், 
20-ஆம் தேதி புதன்கிழமை மாலை கிரிவலம், இரவு பந்தம்பரி உற்சவம், 
21-ஆம் தேதி இரவு வேடம்பரி பிரபல உற்சவம் ஆகியவை நடைபெறும். 
22-ஆம் தேதி இரவு திருக்கல்யாண மயில் வாகன உற்சவத்துடன் பிரம்மோற்சவம் நிறைவடைய உள்ளது. 
 

தமிழகத்தில் சரஸ்வதி பூஜையை கொண்டாடுவது போல வட மாநிலங்களில் வசந்த பஞ்சமி நாள் வெகு விமர்சையாக கொண்டாடப்படுகிறது. வசந்த பஞ்சமி நாளில் சரஸ்வதி வழிபாடு நடைபெற்றதாக வேதங்களிலும் புராணங்களிலும் குறிப்புகள் காணப்படுகின்றன. உலகத்தில் உயிர்களைப் படைத்த பிரம்ம தேவன், தன் படைப்புத் தொழிலில் சோர்வு ஏற்பட, அதை நீக்கிக் கொள்ளும் வகையில் வசந்த பஞ்சமி நாளன்றுதான் சரஸ்வதிதேவியைப் படைத்ததாகக் கூறப்படுகிறது. சரஸ்வதி தேவியின் கையில் வீணையைக் கொடுத்து அதன்மூலம் உலக மக்களுக்குப் பேசும் சக்தியை பிரம்மா அளித்ததாகப் புராணம் கூறுகிறது.  

 வசந்த பஞ்சமி நாளில் வட மாநிலத்தவர் சரஸ்வதிதேவியை வழிபடுகின்றனர். ஸ்ரீ கிருஷ்ணர்கூட இந்த வசந்த பஞ்சமி நாளில்தான் சாந்தீபனி குருகுலத்தில் சேர்ந்து பதினாறு கலைகளைக் கற்றதாகக் கூறப்படுகிறது. 

இந்த வசந்த பஞ்சமி நாளன்று பூஜை அறையில் சரஸ்வதி தேவியின் சிலை அல்லது படம் மஞ்சள் மலர்களால் அலங்கரிக்கப்படுகிறது. மஞ்சள் சாமந்தி மலர்கள் வட மாநிலங்களில் பூஜைக்கும், மலர் மாலைகளுக்கும் உரிய முக்கிய மலராகத் திகழ்கிறது. சரஸ்வதிதேவி சிலைக்கும் மஞ்சள் ஆடை அணிவிக்கப்படுகிறது. வீடுகளில் மக்களும் அன்று மஞ்சள் ஆடைகள் அணிகின்றனர். 

நல்லொழுக்கம், அறிவு, ஞானம், இசை, அறிவு, வாக்கு வன்மை, கவித்திறன் போன்ற குணநலன்கள்  கிட்ட  வசந்த பஞ்சமி நாளில் சரஸ்வதி தேவிக்கு சிறப்பு பூஜைகள் செய்யப்படுகிறது. 

குறிப்பாக மேற்கு வங்கத்தில் வசந்த பஞ்சமி நாளில் கல்வியைத் துவக்கவுள்ள குழந்தைகள் முன்பாக, பென்சில், பேனா, சிறிய இசைக் கருவிகள், தொழிற் கருவிகள் போன்றவை வைக்கப்படும். குழந்தைகள் அவற்றில் ஏதாவது ஒன்றை எடுக்கச் சொல்வர். 

குழந்தை எடுக்கும் பொருளின் அடிப்படையில் அதன் எதிர்காலம் அமையும் என்று நம்பிக்கை. உதாரணமாக பேனாவை எடுத்தால் பெரிய அறிவாளியாக ஆவர் என்றும், சங்கீத உபகரணங்களை எடுத்தால் சங்கீத மேதையாவான் என்றும், தொழிற் கருவியினை எடுத்தால் தொழில் முனைவராக ஆவான் என்றும் நம்பப்படுகிறது. பள்ளிகளில் ஆசிரியர்களும் மாணவர்களும் கூடி சரஸ்வதிதேவிக்குப் பூஜை செய்து வணங்குகின்றனர். 
 

கால சர்ப தோஷ பூஜைகளுக்காக, செம்பு, ஈயம் மற்றும் வெள்ளி உலோகங்களால் செய்யப்பட்ட தனித்தனி நாகர் வடிவ சிலைகளை பெற்றுக்கொள்ள வேண்டும். கால சர்ப தோஷ பூஜை செய்யும் நாள் அன்று, முதலில் நீராடிவிட்டு புத்தாடை உடுத்தி பூஜை செய்யும் இடத்ததை பூக்கள் கொண்டு அலங்கரித்துக்கொள்ளுங்கள். 

பூஜை செய்யும் பீடத்தில் பூஜைக்கு என ஒரு தட்டை வைக்க வேண்டும். அந்த தட்டில் நீங்கள் வாங்கிய நாகர் சிலைகளை வைத்துக்கொண்டு, மஞ்சளில் விநாயகர் படித்து அதை அரச இலையிலோ அல்லது மாவிலையிலோ வைத்து அந்த பூஜை தட்டில் நாகர் சிலைக்கு அருகில் வைத்துக்கொள்ள வேண்டும்.  

முதலில், ஓம் நமச்சிவாய என்ற மந்திரத்தை சொல்லிக்கொண்டே பூஜையை தொடங்க வேண்டும். பின்னர், நாகர் சிலைக்கு தண்ணீர், பால், தேன், மற்றும் இதர அபிஷேக பொருட்களை கொண்டு அபிஷேகம் செய்து முடிக்க வேண்டும். அதனை தொடர்ந்து, நாகர் சிலைக்கு மஞ்சள், சந்தனம் இட்டு அலங்காரம் செய்து கொள்ளுங்கள். 

அதன் பின் விஷ்ணு சகஸ்ரநாமம், நவநாக் ஸ்தோதிரம், ஆகியவற்றை சொல்லிக்கொண்டே தேங்காய் உடைத்து அதில் நெய் ஊற்றி, தீபம் ஏற்ற வேண்டும். உடைத்த தேங்காயை நாகர் சிலைக்கு முன்பாக வைத்து, பூஜைக்கு நீங்கள் படைக்க நினைத்த படையல்களால் பழங்களோ, தேங்காயோ அல்லது வேறு ஏதேனும் பொருட்களோ அதை அரச இலையில் வைத்து படைத்து சூடன் ஏற்றி வழிபாடு நடத்த வேண்டும். 

வழிபாட்டின் போது உங்களது பிரச்னைகளை எல்லாம் மனிதில் நினைத்து பூஜை செய்ய, அதற்கு தீர்வு கிடைக்கும். பூஜை முடிந்ததும், நீங்கள் இருக்கும் இடத்திற்கு அருகில் ஓடும் ஒரு புன்னிய நதியில் செம்பு மற்றும் ஈயத்தால் ஆன நாகர் சிலையை போட்டு விடுங்கள். வெள்ளி நாகர் சிலையை அருகில் உள்ள சிவாலயத்திற்கு சென்று வழங்கி விடுங்கள். 

இந்த பூஜை நம்பிக்கையுடனும், உண்மையாகவும், அர்பணிப்புடனும் செய்தால் கால சர்ப பூஜைக்கான பலன்களாக நீண்ட நாட்களாக அவர்கள் படும் துன்பமும், துயரமும், இன்னல்களும் படிப்படியாக அவர்களை விட்டு விலகும்.