Tag: Atthi Varadhar

நின்ற கோலத்தில் காட்சியளிக்கும் அத்திவரதர் பக்தர்களுக்கு ஆசி வழங்கும் கையில் ‘மா.சு.ச’ என்ற 3 எழுத்துக்குப் பொறிக்கப்பட்ட கவசம் பொருத்தப்பட்டிருந்தது. 

இதற்குப் பகவான் கிருஷ்ணரின் பகவத் கீதையில் 18-வது சுலோகத்தில் ‘சர்வதர்மா சரணம்பிரஜா அதந்யா சர்வமாதேக்யு மோட்சம் மா.சு.ச.’ என குறிப்பிடப்பட்டு இருக்கிறது. 

“தர்மத்தை காப்பவன் நான் ஒருவனே. என்னை நம்பி என்னுடைய திருவடியில் சரண் அடைந்தால் மோட்சம் உறுதி. எதற்கும் கவலைப்படாதே. 

நான் பார்த்துக் கொள்கிறேன்” என்பதே இதற்கு அர்த்தம் ஆகும். பகவத் கீதையில் இடம் பெற்றுள்ள ‘மா.சு.ச’ என்ற எழுத்தை இதன் பொருள் எடுத்துக் கூறுகிறது. ஆகவே மா.சு.ச. என்றால் அருள் பாலிப்பது என்பது ஆகும்.
 

47 நாட்கள் வைபவம் முடிந்த நிலையில் அடுத்த 40 ஆண்டுகளுக்கு ஓய்வு எடுக்க அத்திவரதர் நாளை அனந்தசரஸ் குளத்திற்கு செல்கிறார். காஞ்சி அத்தி வரதர் ஜூலை 1- ம் தேதியிலிருந்து 31-ம் தேதி வரை சயன கோலத்திலும் அதற்கடுத்து நின்ற கோலத்திலும் தரிசனம் கொடுத்து வருகிறார். 

46 நாள்களாகப் பக்தர்களுக்கு அருள்பாலித்துவந்த அத்திவரதர் தரிசனம் இன்றுடன் நிறைவு பெறுகிறது. நாளை முதல் அனந்த சரஸ் குளத்தில் சயன கோலத்தில் ஓய்வெடுக்கப் போகிறார். அடுத்ததாக, இனி 40 வருடங்கள் கழித்து 2059- ம் ஆண்டுதான் அத்திவரதைத் தரிசிக்க முடியும்.

அத்திவரதர் வைபவம் 42 வது நாளான இன்று அத்திவரதர் ராஜ கிரீட அலங்காரத்தில் அத்தி வரதர் அற்புதமாக காட்சியளித்தார். 

இன்று அத்தி வரதரை தரிசிக்க கடைசி வார விடுமுறை நாள் என்பதால் பல லட்சம் மக்கள் காஞ்சிபுரத்தில் குவிந்து இருந்தனர். ஒவ்வொரு நாளும் அத்தி வரதர் புதிய பட்டு வஸ்திரம் அணிந்து, புது அலங்காரத்தில் காட்சி அளிப்பது வழக்கம். அந்த வகையில் இன்று ராஜ கிரீடம் அணிந்து ராஜா போல காட்சி தருகின்றார். 

வரும் ஆகஸ்ட் 16ம் தேதியோடு அத்தி வரதரின் தரிசனம் முடிக்கப்படுவதாகவும், 17ம் தேதி அவருக்கான ஆகம முறைப்படி பூஜைகள் செய்து மீண்டும் அவர் இருந்த அனந்த புஸ்கரனியில் வைக்கப்பட உள்ளார். 
 

தொடர் விடுமுறை நாட்கள் என்பதால் காஞ்சி அத்திவரதரை தரிசிக்க வழக்கத்தை விட கூட்டம் அலை மோதுகிறது. இன்று ஒரு நாளில் மட்டும் சுமார் 4 லட்சம் பக்தர்கள் அத்தி வரதரை தரிசித்துள்ளனர். 

காஞ்சிபுரம் வரதராஜ பெருமாள் கோவிலில் அத்திவரதர் விழா தொடங்கி இன்றுடன் 41 நாட்கள் ஆகிறது.  ஜூலை 31 ஆம் தேதி வரை அத்திவரதர் சயனகோலத்தில் பக்தர்களுக்கு அருள்பாலித்தார். ஆகஸ்டு 1-ந்தேதி முதல் நின்ற கோலத்தில் காட்சி அளித்து வருகிறார். அத்திவரதர் வைபவம் தொடங்கிய நாள் முதல் சராசரியாக நாள் ஒன்றுக்கு 3 லட்சம் பேர் வரை அத்தி வரதரை தரித்து வருகின்றனர். 

அத்திவரதரை தரிசிக்க வெளிமாவட்டங்கள், வெளி மாநிலங்களில் இருந்து பக்தர்கள் வந்த வண்ணம் உள்ளனர். அத்திவரதரை தரிசிக்க 7 மணி நேரத்துக்கும் மேல் ஆகிறது. ஆனாலும் பக்தர்கள் காத்து இருந்து தரிசித்து வருகிறார்கள். 41-வது நாளான இன்று அத்திவரதர் வெள்ளை, ரோஜா நிற பட்டாடை உடுத்தி பக்தர்களுக்கு அருள்பாலித்தார். 

ஆகஸ்டு மாதம் 16 மற்றம் 17 ஆகிய தேதிகளில் அத்திவரதரை காண்பதற்கான வி.ஐ.பி தரிசனம் ரத்து செய்யப்படுகிறது. அதேபோல வரும் 16 ஆம் தேதி காஞ்சிபுரம் நகராட்சிக்கு உட்பட்ட பள்ளிகளுக்கு விடுமுறை அளிக்கப்படுவதாக மாவட்ட நிர்வாகம் அறிவித்துள்ளது. 17 ஆம் தேதி நண்பகல் 12 மணிக்கு கிழக்கு கோபுரம் மூடப்படும் மாலை 5 மணிக்கு வசந்த மண்டபம் மூடப்பட்டு அத்தி வரதர் தரிசனம் முழுமையாக நிறுத்தப்படும் என்றும் தெரிவிக்கப்பட்டுள்ளது. 

காஞ்சி அத்தி வரதரை தரிசிக்க நாளுக்கு நாள் கூட்டம் அதிகரித்து வருகிறது. கடந்த 36 நாட்களில் 50 லட்சத்துதத்தம் அதிகமான பக்தர்கள் அத்தி வரதரை தரிசனம் செய்துள்ளனர். கூட்டம் அதிகம் காணப்படுவதால் கடைசி 2 நாட்களில் வி.ஐ.பி. தரிசனம் ரத்து செய்யப்பட்டுள்ளது. தற்போது 7000 போலீசார் பாதுகாப்பு பணியில் ஈடுபட்டுள்ளனர் 10 ஆம் தேதியில் இருந்து 12 ஆயிரத்துக்கும் அதிகமான போலீசார் பாதுகாப்பு பணியில் ஈடுபடுத்த படவுள்ளதாக மாவட்ட நிர்வாகம் தெரிவித்துள்ளது. 

 அத்தி வரதரை தரிசிக்க 24 மணி நேரம் வாய்ப்பு இல்லை என்பதால் தற்போது 18 மணி நேரம் தரிசனம் நடைபெற்று வருகின்றது விரைவில் 21 மணி நேரம் தரிசிக்க நடவடிக்கை மேற்கொண்டு வருவதாக மாவட்ட நிர்வாகம் தெரிவித்துள்ளது. 

காஞ்சி அத்தி வரதர் 37 வது நாளில் வெள்ளை மற்றும் நீல நிற பட்டாடையில் காட்சியளிக்கிறார்.

காஞ்சி வரதராஜ பெருமாள் கோவிலில் 40 ஆண்டுகளுக்கு ஒருமுறை நடைபெறும் அத்தி வரதர் வைபவ திருவிழா சிறப்பாக நடைபெற்று வருகின்றது 

ஒவ்வொரு நாளும் ஒவ்வொரு நிற பட்டாடையில் காட்சியளிக்கும் அத்தி வரதர் இன்று 37 வது வெள்ளை மற்றும் நீல நிறப்பட்டாடையில் காட்சியளித்து வருகின்றார்.

36 நாட்களில் 55 லட்சத்துக்கும் அதிகமான பக்தர்கள் அத்தி வரதரை தரிசனம் செய்துள்ளனர் நேற்றைய தினத்தை விட இன்று பக்தர்கள் கூட்டம் குறைவு

நேற்று 6 மணி அல்லது 8 மணி நேரம் காத்திருந்து தரிசிக்க வேண்டிய நிலையில் இன்று இலவச தரிசனத்தில் 3 மணி நேரத்தில் அத்தி வரதரை தரிசித்து வருகின்றனர்
 

காஞ்சிபுரம், ஸ்ரீ அத்திவரதர் வைபவம் 36 வது நாளான இன்று, இளஞ்சிவப்பு  நிற பட்டாடை அணிந்து காட்சி தரும் அத்தி வரதரை நீண்ட வரிசையில் சென்று பக்தர்கள் தரிசனம் செய்துள்ளனர். 

காஞ்சிபுரம் வரதராஜ பெருமாள் திருக்கோயில் குளத்திலிருந்து எடுக்கப்பட்டு 48 நாட்கள் பக்தர்களுக்கு காட்சி தந்து அருள்பாலிகிறார் அத்தி வரதர். 

அத்தி வரதரை தரிசிக்க தமிழகம் மட்டுமில்லாமல், பல்வேறு மாநிலங்களிலிருந்தும் பக்தர்கள் வந்த வண்ணம் உள்ளனர். 

இளஞ்சிவப்பு நிற பட்டு வஸ்திரத்தில் அத்தி வரதர்  இன்று வண்ண வண்ண மலர்களால் ஆன மாலையை சுற்றப்பட்டு மலர் கிரீடத்தில் காட்சி அளிக்கின்றார். நேற்று 35 வது நாளில் மட்டும் 3 லட்சத்துக்கும் அதிகமான பக்தர்கள் அத்தி வரதரை தரிசனம் செய்துள்ளனர்.