Author: சக்தி ஆன்லைன் டீம்

வீட்டில் கண் திருஷ்டியின் பாதிப்பு இருந்தால் சண்டை, சச்சரவுகள், பொருளாதார நெருக்கடிகள் ஏற்படலாம். இதை தடுக்க, கிராமங்களில் கற்றாழை செடியை வீட்டு வாசலில் கட்டி வைப்பது அல்லது தொட்டிகளில் வளர்ப்பது வழக்கம். கற்றாழை உடல், சரும ஆரோக்கியத்திற்கு மட்டுமல்ல, பணப்பிரச்சினை மற்றும் குடும்ப சண்டைகளை போக்கும் ஆற்றலையும் கொண்டது.

நேர்மறை ஆற்றல் பெருகும்: கற்றாழை செடி உடல் ஆரோக்கியத்திற்கு ஏற்ற தாவரம். இதன் சிறப்பை உணர்ந்து, பலரும் இன்று வீடுகளில் துளசி செடியைப் போல கற்றாழையையும் தொட்டிகளில் வளர்க்கின்றனர். வாஸ்து சாஸ்திரப்படி, சரியான திசையில் கற்றாழை வளர்த்தால் நேர்மறை ஆற்றல் அதிகரிக்கும். இதனால், வேலையில் இருப்பவர்களுக்கு பதவி உயர்வு, சம்பள உயர்வு கிடைக்கும்.

அதிர்ஷ்டம் தரும் கற்றாழை: ஆலோவேரா என்று அழைக்கப்படும் கற்றாழை, அதிர்ஷ்டத்தையும் தரக்கூடியது. வீட்டு வாசலில் கற்றாழை கட்டி வைப்பதால் கண் திருஷ்டியும் எதிர்மறை ஆற்றலும் வீட்டிற்குள் நுழையாது. இதனால், குடும்ப உறுப்பினர்களிடையே சண்டை, சச்சரவுகள் நீங்கி அமைதி நிலவும்.

மகிழ்ச்சி மற்றும் நிம்மதி: கிராமங்களில் வீட்டு வேலிகளை சுற்றி கற்றாழை வளர்ப்பது பாம்பு போன்ற விஷ ஜந்துகளை தடுக்க உதவும். வீடு சண்டைகளால் போர்க்களமாக இருந்தால், கற்றாழை வளர்ப்பது மகிழ்ச்சியையும் நிம்மதியையும் அதிகரிக்கும்.

பதவி உயர்வு மற்றும் பண வரவு: பல ஆண்டுகளாக பதவி உயர்வு இல்லாமல் இருப்பவர்கள், கற்றாழையை கிழக்கு அல்லது வடகிழக்கு திசையில் வளர்த்தால் மன அமைதி பெறலாம். மேற்கு திசையில் வளர்த்தால் வேலையில் முன்னேற்றம், பதவி உயர்வு, பண வரவு அதிகரிக்கும்.

கற்றாழை பரிகாரம்: பண வரவை அதிகரிக்க, கற்றாழையை வாசல் அல்லது பால்கனியில் தொட்டியில் வளர்க்கலாம். பரிகாரத்திற்காக வளர்க்கும் கற்றாழையை வெட்டக்கூடாது. தினமும் தண்ணீர் ஊற்றி, குல தெய்வத்தை வேண்டிக்கொள்ளுங்கள்.

புதன் கிழமை பரிகாரம்: தாமிர பாத்திரத்தில் சுத்தமான தண்ணீர் எடுத்து, சிறிது சோம்பு, ஒரு ஏலக்காய், ஒரு சிட்டிகை சர்க்கரை சேர்த்து, இரவு பூஜை அறையில் வைக்கவும். மறுநாள் காலை குளித்து, சாமி கும்பிட்ட பின், அந்த தண்ணீரை கற்றாழைக்கு ஊற்றவும். இதனால், பண வரவு அதிகரிக்கும், கடன் பிரச்சினைகள் தீரும். நம்பிக்கையுடன் செய்தால் நல்ல பலன்கள் கிடைக்கும்.