Shakthi Online CMS

Author: சக்தி ஆன்லைன் டீம்

  • Taurus – Horoscope for July

    கிரகநிலை:

    ராசியில் சுக்கிரன் – தன வாக்கு குடும்ப ஸ்தானத்தில் சூர்யன், குரு – தைரிய வீரிய ஸ்தானத்தில் புதன் – சுக ஸ்தானத்தில் செவ், கேது – தொழில் ஸ்தானத்தில் சனி, ராகு என கிரகங்கள் வலம் வருகிறார்கள்.

    கிரகமாற்றம்:

    02.07.2025 அன்று  தொழில்  ஸ்தானத்தில்  சனி வக்ரம் ஆரம்பிக்கிறார்.    

    03.07.2025 அன்று  தைரிய வீரிய  ஸ்தானத்தில்  புதன் வக்ரம் ஆரம்பிக்கிறார்.

    17.07.2025  அன்று  தன வாக்கு குடும்ப  ஸ்தானத்தில்  இருந்து  சூரியன்   தைரிய வீரிய  ஸ்தானத்திற்கு  மாறுகிறார்.

    17.07.2025 அன்று புதன் பகவான் தைரிய வீரிய  ஸ்தானத்தில்  இருந்து தன வாக்கு குடும்ப  ஸ்தானத்திற்கு மாறுகிறார்.

    26.07.2025  அன்று  ராசியில்  இருந்து  சுக்கிரன்   தன வாக்கு குடும்ப  ஸ்தானத்திற்கு  மாறுகிறார்.

    29.07.2025  அன்று  சுக ஸ்தானத்தில்  இருந்து  செவ்வாய்   பஞசம  ஸ்தானத்திற்கு  மாறுகிறார்.

    பலன்:

    கவர்ச்சிகாரகனான சுக்கிரனை அதிபதியாகக் கொண்ட ரிஷப ராசி அன்பர்களே, இந்த மாதம் மனதைத் தெம்பாக வைத்துக் கொண்டால் எதையும் எதிர் கொள்ளலாம். சிலருக்கு தேக ஆரோக்யத்தில் கவனம் செலுத்த வேண்டிய சூழ்நிலை உருவாகும். இதனால் உங்களின் செயல்களைக் குறிப்பிட்ட காலத்திற்குள் முடிக்க இயலாமலும் போகும். 

    குடும்பத்தில் சுப காரியங்களை நடத்துவீர்கள். சிலர், குழந்தைகளை வெளி நாடுகளுக்கு அனுப்பிப் படிக்க வைப்பார்கள். உங்களின் முக்கியத் திட்டங்கள் நிறைவேறும். இதனால் உங்கள் ஆசைகள் ஒவ்வொன்றாக நிறைவேறும். கடன்களைத் திருப்பி அடைத்து புதிய சேமிப்புகளிலும் ஈடுபடுவீர்கள். உடல் உபாதைகள் மறைந்து ஆரோக்யம் காண்பீர்கள். நேர்முக, மறைமுக எதிர்ப்புகள் மறையும்.

    தொழில் செய்பவர்களின் திட்டங்கள் அனைத்தும் நல்ல லாபத்தைக் கொடுக்கும். கொடுக்கல், வாங்கலில் சிறப்புகள் உண்டாகும். விற்பனைப் பிரதிநிதிகளைப் பல சந்தைகளுக்கும் அனுப்பி உங்கள் விற்பனைக் களத்தைப் பரவலாக்குவீர்கள். ஆயினும் கூட்டாளிகளைக் கலந்தாலோசித்த பிறகே விரிவாக்கம் செய்யவும். 

    உத்யோகஸ்தர்களின் கோரிக்கைகளை மேலதிகாரிகள் உடனுக்குடன் பரிசீலிப்பார்கள். அலுவலகத்தில் அனுகூலமான சூழலைக் காண்பீர்கள். சக ஊழியர்கள் நட்பு பாராட்டுவார்கள். இடையூறுகளை ஒரு பொருட்டாகவே கருதமாட்டீர்கள். பண வரவில் சிறு தடைகள் ஏற்பட்டாலும் உழைப்புக்கேற்ற ஊதியத்தைப் பெறுவதில் எந்தக் குறையும் ஏற்படாது. விரும்பிய இடமாற்றங்களைப் பெறுவீர்கள். உங்கள் வேலைத் திறன் பளிச்சிடும். 

    அரசியல்துறையினரைப் பொறுத்தவரை தொண்டர்களின் ஆதரவுடன் செயற்கரிய செயல்களைச் செய்வீர்கள். எதிரிகளால் கஷ்டங்கள் உண்டாகாது என்றாலும் அவர்கள் மீது ஒரு கண் வைத்திருக்கவும். கட்சித் தலைமையிடம் நல்ல பெயரைக் காப்பாற்றிக் கொள்ளவும். சச்சரவுகளில் சம்பந்தப்பட்டு மாட்டிக் கொள்ள வேண்டாம். 

    கலைத்துறையினர் கடினமாக உழைத்தால்தான் துறையில் வெற்றி வாகை சூடலாம். மற்றபடி உங்கள் வேலைகளைக் குறிப்பிட்ட காலத்திற்குள் முடித்து விடுவீர்கள். உங்கள் திறமைகளை மக்கள் ஏற்றுக் கொள்வார்கள். அதேசமயம் உங்களின் வெளிவட்டாரப் பழக்க வழக்கங்களில் மிகவும் கவனத்துடன் இருக்கவும். சக கலைஞர்களை அனுசரித்து நடந்துகொள்ளவும். 

    பெண்மணிகள் நன்கு யோசித்த பிறகே பிறரின் வார்த்தைகளை நம்புவீர்கள். கணவரிடமும் குடும்பத்தாரிடமும் விட்டுக் கொடுத்து நடந்து கொள்வீர்கள். இல்லத்தில் திருமணம் போன்ற சுபநிகழ்ச்சிகளை நடத்தி மகிழ்வீர்கள். 

    மாணவமணிகள் கடினமாக உழைத்துப் படிப்பதன் மூலம் நல்ல மதிப்பெண்களைப் பெறுவீர்கள். சிலருக்கு வெளியூர் சென்று கல்வி பயிலும் வாய்ப்பு கிடைக்கும். மனக்குழப்பங்களில் இருந்து விடுபடுவீர்கள். தீய நண்பர்களுடனான நட்பைத் துண்டிப்பீர்கள். உள்ளரங்கு விளையாட்டுகளில் ஈடுபட்டு சாதனை செய்வீர்கள்.

    பரிகாரம்: பெருமாள் ஆலயத்தில் இருக்கும் ஆண்டாளை வழிபட மனதில் இருந்த சஞ்சலம் நீங்கும். தொழில் மாற்றம் ஏற்படும். 

    அதிர்ஷ்ட கிழமைகள்: திங்கள், புதன், வெள்ளி

    சந்திராஷ்டம தினங்கள்: ஜூலை 09, 10, 11

    அதிர்ஷ்ட தினங்கள்: ஜூலை 25, 26

  • Brief benefits for 12 zodiac signs!

    கிரகநிலை:

    தன வாக்கு குடும்ப ஸ்தானத்தில் சுக்கிரன் – தைரிய வீரிய ஸ்தானத்தில் சூர்யன், குரு – சுக ஸ்தானத்தில் புதன் – பஞ்சம ஸ்தானத்தில் செவ், கேது – லாப ஸ்தானத்தில் சனி, ராகு என கிரகங்கள் வலம் வருகிறார்கள்.

    கிரகமாற்றம்:

    02.07.2025 அன்று  லாப  ஸ்தானத்தில்  சனி வக்ரம் ஆரம்பிக்கிறார்.    

    03.07.2025 அன்று  சுக ஸ்தானத்தில்  புதன் வக்ரம் ஆரம்பிக்கிறார்.    

    17.07.2025  அன்று  தைரிய வீரிய  ஸ்தானத்தில்  இருந்து  சூரியன்   சுக ஸ்தானத்திற்கு  மாறுகிறார்.

    17.07.2025 அன்று புதன் பகவான் சுக ஸ்தானத்தில்  இருந்து தைரிய வீரிய  ஸ்தானத்திற்கு மாறுகிறார்.

    26.07.2025  அன்று  தன வாக்கு குடும்ப  ஸ்தானத்தில்  இருந்து  சுக்கிரன்   தைரிய வீரிய  ஸ்தானத்திற்கு  மாறுகிறார்.

    29.07.2025  அன்று  பஞசம  ஸ்தானத்தில்  இருந்து  செவ்வாய்   ரண ருண ரோக ஸ்தானத்திற்கு  மாறுகிறார்.

    பலன்:

    ரத்தகாரகன் என்று அழைக்கப்படும் செவ்வாயை ராசிநாதனாகக் கொண்ட மேஷ ராசி அன்பர்களே, இந்த மாதம் மனதில் தெளிவு பிறக்கும். அலைச்சல்கள் குறையும். தாமதமாக நடந்து கொண்டிருந்த செயல்கள் துரிதமாக நடக்கத் தொடங்கும். மனதை ஒருமுகப்படுத்தி உழைக்கத் தொடங்குவீர்கள். மற்றவர்களின் மனதைத் துல்லியமாக அறிந்துகொள்வீர்கள். 

    குடும்பத்தில் பிள்ளைகளை ஆன்மீகத்தில் ஈடுபடுத்துவீர்கள். அவர்களும் உங்கள் பேச்சைக் கேட்டு நடப்பார்கள். உங்களின் மனதை அழுத்திக் கொண்டிருந்த பல பிரச்சினைகள் விலகும். வெளியில் கொடுத்திருந்த கடன்கள் திரும்பவும் உங்கள் கை வந்து சேரும். சில தடைகள் ஏற்பட்டாலும் உங்களின் முயற்சிகள் அனைத்தும் வெற்றி வாகை சூடும். உங்களின் கவலைகள் படிப்படியாகக் குறையும். புதிய வீட்டுக்குக் குடிபெயரும் வாய்ப்பு உண்டாகும். ஒரு சிலருக்கு வழக்கொன்றில் வழங்கப்படும் சாதகமான தீர்ப்பினால் வருமானம் பெருகும். 

    தொழில் செய்பவர்கள் வாடிக்கையாளர்களிடம் நிதானமாகவும், கோபப்படாமலும் நடந்துகொண்டால் நல்ல லாபங்களை அள்ளலாம். மற்றபடி கடுமையான போட்டிகளையும் சாதுர்யமாகச் சமாளிப்பீர்கள். கொடுக்கல், வாங்கல் விஷயங்கள் வெற்றிகரமாக முடிவடையும். கூட்டாளிகள் உங்களுக்கு சாதகமாக நடந்து கொள்வார்கள். அதேசமயம் புதிய முதலீடுகளில் கவனமாக இருக்கவும். 

    உத்யோகஸ்தர்களுக்கு பதவி உயர்வு கிடைக்கும். மேலதிகாரிகள் உங்கள் பேச்சுக்கு செவி சாய்ப்பார்கள். அலுவலகத்தில் உங்கள் மரியாதை உயரும். விரும்பிய இடமாற்றம் கிடைக்கும். அதேநேரம் எவரைப் பற்றியும் புறம் பேசாமல், சக ஊழியர்களின் நட்பைக் காப்பாற்றிக் கொள்ளுங்கள். 

    அரசியல்வாதிகள், தொண்டர்களின் தேவைகளை முழுமையாகப் பூர்த்தி செய்வீர்கள். உங்கள் முயற்சிகள் அனைத்தும் வெற்றிப் பாதையை நோக்கிச் செல்லும். கட்சித் தலைமையிடம் நல்ல பெயர் வாங்குவீர்கள். சமூகத்தில் உங்கள் அந்தஸ்து உயரும். அதே சமயம் நண்பர்கள் போல் பழகும் எதிரிகளிடம் எச்சரிக்கையாக இருக்கவும். பொதுவாகவே பிறரிடம் பேசும் நேரத்தில் நிதானம் தேவை. எதிர்கட்சியினர் உங்களைப் பற்றிப் பரப்பும் அவதூறுகள் குறித்துக் கவலைப்பட வேண்டாம். 

    கலைத்துறையினருக்கு புதிய வாய்ப்புகள் தேடி வரும். அவற்றில் உங்கள் திறமையை வெளிப்படுத்தி ரசிகர்களின் ஏகோபித்த ஆதரவைப் பெறுவீர்கள். உங்கள் செல்வாக்கு உயரும். பண வரவு அமோகமாக இருக்கும். புதிய வாகனம் வாங்குவீர்கள். ரசிகர்களின் ஆதரவோடு வெளிநாடுகளுக்குப் பயணம் செய்யும் வாய்ப்புகளும் கிடைக்கும். 

    பெண்மணிகளுக்குக் கணவரிடம் அன்பும், பாசமும் அதிகரிக்கும். உறவினர்கள் உங்களை அனுசரித்துச் செல்வார்கள். பண வரவு சீராக இருக்கும். உடல் ஆரோக்யம் சிறப்பாக அமையும். எங்கும், எப்போதும் பேசும் நேரத்தில் நிதானம் தேவை. 

    மாணவமணிகள் கல்வியிலும், விளையாட்டிலும் வெற்றிக்கொடி நாட்டுவீர்கள். ஆசிரியர்களின் ஆதரவைப் பெறுவீர்கள். யோகா, ப்ராணாயாமம் போன்றவைகளைச் செய்து மனதை ஒருநிலைப்படுத்துவீர்கள். 

    பரிகாரம்: தினமும் முருகன் ஆலயத்திற்குச் சென்று கந்த சஷ்டி கவசம் சொல்லி வர மனதில் அமைதி மேலோங்கும்.

    அதிர்ஷ்ட கிழமைகள்: திங்கள், செவ்வாய், வியாழன்

    சந்திராஷ்டம தினங்கள்: ஜூலை 07, 08

    அதிர்ஷ்ட தினங்கள்: ஜூலை 22, 23, 24

  • Methods of performing puja at home: Spiritual guidelines

    பூஜை செய்பவர் தெற்கு, தென்கிழக்கு, தென்மேற்கு திசைகளை நோக்கி அமரக் கூடாது. தெய்வப் படங்களை கிழக்கு நோக்கி வைக்க வேண்டும்; முடியாவிட்டால், தெற்கு தவிர பிற திசைகளைப் பயன்படுத்தலாம். வணங்குபவர் வடக்கு நோக்கி அமரலாம்.

    பூஜை அறையில் தெய்வச் சிலைகளை நெருக்கமாக வைக்காமல், போதிய இடைவெளி விட வேண்டும். நிவேதனம் செய்த தேங்காயை மறுபடியும் சமையலில் பயன்படுத்தி சாமிக்கு நிவேதனம் செய்யக் கூடாது. உணவை எவர்சில்வர் பாத்திரங்களில் நேரடியாக வைப்பதற்கு பதிலாக, இலையில் வைத்து நிவேதனம் செய்ய வேண்டும்.

    வீட்டில் கோலம் போடாமலும், விளக்கேற்றாமலும் கோவிலுக்கு செல்லக் கூடாது. எரியும் விளக்கின் எண்ணெய் அல்லது நெய்யை கையால் தொட்டு தலையில் தடவுவது தவறு. விஷ்ணு கோவிலில் இருந்து திரும்பும்போது அங்கு உட்காராமல் நேரடியாக வீடு திரும்ப வேண்டும், ஏனெனில் லட்சுமி தேவி உடன் வருவதாக ஐதீகம்.

    வாசலில் ஸ்வஸ்திக், ஸ்ரீ சக்கரம், ஓம், திரிசூலம் சின்னங்களை வைப்பது பாதுகாப்பையும் அதிர்ஷ்டத்தையும் தரும். உலர்ந்த பூக்களை சாமி படங்களில் வைக்கக் கூடாது. வாசலுக்கு நேர் எதிரே சிரிக்கும் புத்தர் சிலையை வைப்பது வளமையையும் வெற்றியையும் அளிக்கும்.

  • Spiritual Vastu Rules for Women: Auspicious and Divine!

    பெண்கள் பின்பற்ற வேண்டிய ஆன்மிக வாஸ்து விதிகள், சுப மங்களங்களையும் தெய்வீகப் பண்புகளையும் பெற உதவும். பெண்கள் எப்போதும் மூன்று இடங்களில் குங்குமம் இட வேண்டும்: மாங்கல்யம், நெற்றி, முன் வகிடு. இது உடல் ஆரோக்கியத்தையும், ஆன்மிக சக்தியையும் தரும். தாலியை நூல் சரட்டில் கோர்த்து அணிவது சிறப்பு, ஏனெனில் நூலில் பஞ்ச பூத சக்திகள் உள்ளன. தேவையான சங்கிலியை அணியலாம், ஆனால் தாலியை தினமும் கழற்றி அணிவது தவறு; அது எப்போதும் கழுத்தில் இருக்க வேண்டும்.

    காலையில் அடுப்பு பற்றவைக்கும் முன், அக்கினியை வணங்கி, “சமைத்த உணவை உண்பவர்கள் ஆரோக்கியமாக இருக்கட்டும்” என பிரார்த்திக்கவும். மாலையில் அரசமரத்தை வலம் வருவது தவிர்க்கப்பட வேண்டும். கோயிலுக்கு எடுத்துச் செல்லும் எண்ணெயை, கோயில் விளக்கில் மட்டுமே ஊற்ற வேண்டும்; பிறர் ஏற்றிய விளக்கில் ஊற்றக் கூடாது. முந்தானையைத் தொங்கவிடாமல், இழுத்து சொருகி நடக்கவும், இல்லையேல் குடும்பத்தில் பிரச்சினைகள் ஏற்படலாம்.

    குத்து விளக்கு ஏற்றும்போது, ஒரு திரி மட்டும் பயன்படுத்தக் கூடாது; இரு திரிகளுடன் ஒரு முகமாக ஏற்றவும். கோலம் போடும்போது தெற்கு நோக்கி நிற்கக் கூடாது; கோடு தெற்கில் முடியாமல் இருக்க வேண்டும். கோயிலில் வணங்கும்போது, பின்னங்கால்களைச் சேர்த்து, நெற்றி தரையில் படுமாறு முழு உடலுடன் விழுந்து கும்பிட வேண்டும். பெருமாள் கோயிலில் தீர்த்தம் வாங்கும்போது, முந்தானையை இடது, வலது கைகளுக்கு நடுவில் வைத்து பெறவும்.

    சுமங்கலிப் பெண்கள் குளிக்கும்போது, தெற்கு முகமாக உட்கார்ந்து, மஞ்சள் தேய்த்து முகத்தில் பூசி குளிக்க வேண்டும். ஆடி மாத செவ்வாய்க்கிழமைகளில் எண்ணெய், மஞ்சள் பூசி, குளித்து அம்மனை வழிபட்டால், மாங்கல்ய பலம் பெருகும் என்பது ஐதீகம். இவ்விதிகளைப் பின்பற்றுவது ஆன்மிகப் பலன்களையும், குடும்ப நலனையும் உறுதி செய்யும்.

  • The Mystery of the Dead Coming to You in Dreams: Spiritual Meanings and Explanations! Psychological Meaning of Dreams Spiritual Signs Topic Update

    மனித மனதின் ஆழத்தில் உறைந்த எண்ணங்கள், உறக்கத்தில் கனவுகளாக வெளிப்படுகின்றன. ஒவ்வொரு கனவுக்கும் ஒரு தனித்த அர்த்தம் உள்ளது. சிலர் கனவுகளை நினைவுகளின் கற்பனை வடிவமாகக் கருதினாலும், இறந்தவர்கள் அடிக்கடி கனவில் தோன்றுவது ஆன்மிக மற்றும் உளவியல் அர்த்தங்களைக் கொண்டிருக்கலாம். இறந்தவர்கள் கனவில் வருவதற்கான பொருளை இந்தப் பதிவு விளக்குகிறது.

    1. நெருக்கமானவர்கள் கனவில் தோன்றுதல்: உங்களுக்கு அறிமுகமானவரோ, நெருக்கமானவரோ இறந்து, அவர்கள் கனவில் வந்தால், பயப்பட வேண்டாம். இது அபசகுணமல்ல; மாறாக, நல்ல செய்தி வரவிருப்பதையும், நீண்ட ஆயுளுடன் வாழ்வீர்கள் என்பதையும் குறிக்கிறது. இறந்தவர்கள் உங்களை ஆசிர்வதிக்க வருவதாக நம்பப்படுகிறது.

    2. இறந்தவர்கள் அழுதல் அல்லது பேசுதல்: இறந்த ஆத்மாக்கள் கனவில் அழுவது நல்லதல்ல; உடனே கோயிலில் அர்ச்சனை செய்வது நற்பலன் தரும். அவர்களுடன் பேசுவது போல் கனவு கண்டால், உங்களுக்கு புகழும், மரியாதையும் கிடைக்கும் என்பது பொருள்.

    3. வீட்டில் உறங்குதல் அல்லது சவப்பெட்டி: இறந்தவர்கள் உங்கள் வீட்டில் உறங்குவது போல் கனவு வந்தால், பெரிய பிரச்சனையில் இருந்து தப்பிப்பீர்கள். ஆனால், சவப்பெட்டி கனவில் தோன்றினால், நெருக்கமானவரின் இழப்பைக் குறிக்கலாம், இது எச்சரிக்கையாகக் கருதப்படுகிறது.

    4. ஒன்றாக உணவு உண்ணுதல்: இறந்தவர்கள் உங்களுடன் உணவு உண்பது போல் கனவு கண்டால், செல்வச் செழிப்புடன் வாழ்வீர்கள் என்பது அர்த்தம். நீங்கள் இறந்தது போல் கனவு வந்தால், ஆயுள் கூடும்; தீர்க்க முடியாத பிரச்சனைகளை வெற்றிகரமாக எதிர்கொள்வீர்கள்.

    5. தாய் அல்லது நெருக்கமானவர்கள்: இறந்த தாய் கனவில் வந்தால், பெண் குழந்தை பிறக்கும் என்பது பொருள். நெருக்கமானவரின் இறப்பு போல் கனவு கண்டால், உங்களை வாட்டிய துன்பங்கள் விலகி, நிம்மதி கிடைக்கும்.

  • Is the broom Mahalakshmi…?

    வாஸ்து சாஸ்திரத்தில், வீட்டை சுத்தப்படுத்தப் பயன்படும் துடைப்பத்துக்கு முக்கிய இடமுண்டு. இது மகாலட்சுமியின் அம்சமாக கருதப்படுவதால், துடைப்பத்தை மரியாதையுடன் கையாள்வது செல்வம், மகிழ்ச்சி, செழிப்பை வீட்டில் நிலைநிறுத்தும். துடைப்பம் வாங்கும் நாள், பயன்பாடு, பராமரிப்பு முதல் பழையவற்றை அகற்றுவது வரை குறிப்பிட்ட விதிமுறைகளைப் பின்பற்றுவது மகாலட்சுமியின் அருளைப் பெற உதவி புரியும்.

    துடைப்பம் வாங்கும் நாள்: செவ்வாய் அல்லது சனிக்கிழமைகள், குறிப்பாக தேய்பிறை நாட்களில், துடைப்பம் வாங்குவது மங்களகரமாகக் கருதப்படுகிறது. பவுர்ணமி முடிந்த பிறகு இந்நாட்களில் வாங்கினால், மகாலட்சுமியின் ஆசி கிடைக்கும். இது வீட்டில் பொருளாதார மேம்பாடு, செல்வ வளர்ச்சியை உறுதி செய்யும். புதிய துடைப்பத்தை கனவில் கண்டால், அது நல்ல அதிர்ஷ்டத்தின் அறிகுறியாகவும், வீட்டில் மகிழ்ச்சி, நிம்மதி நிலவுவதற்கான அடையாளமாகவும் வாஸ்து கூறுகிறது.

    பயன்பாட்டு விதிகள்: துடைப்பம் மகாலட்சுமியை மகிழ்விக்கும் பொருளாக இருப்பதால், அதை எப்போதும் சுத்தமாக வைத்திருக்க வேண்டும். வீட்டை பெருக்கும்போது முடிகள், தூசி சிக்கியிருந்தால், அவற்றை குப்பைத் தொட்டியில் போட்டு, துடைப்பத்தை சுத்தப்படுத்த வேண்டும். துடைப்பத்தை கால் படாத இடத்தில், மறைவாக வைக்க வேண்டும். பிறர் அதைப் பார்ப்பது செல்வத்துக்கு நல்லதல்ல. துடைப்பத்தை காலால் மிதிப்பது, ஒருவரை அதைக் கொண்டு அடிப்பது மகாலட்சுமியின் கோபத்தை வரவழைக்கும்.

    வீட்டை சுத்தப்படுத்திய பிறகு, துடைப்பத்தை தலைகீழாக வைப்பது தவறு. இது வீட்டில் சண்டை, பதற்றத்தை அதிகரிக்கும். எப்போதும் நேராக, சரியான இடத்தில் வைப்பது நேர்மறை சக்தியைப் பரப்பும். இரவில், குறிப்பாக சூரிய அஸ்தமனத்துக்குப் பிறகு, விளக்கேற்றிய பின் வீடு பெருக்குவது மகாலட்சுமியின் அருளைக் குறைக்கும். மேலும், ஒருவர் வீட்டை விட்டு வெளியே சென்ற உடனே பெருக்குவதைத் தவிர்க்கவும்; ஒரு மணி நேரம் கழித்து பெருக்குவது நல்லது.

    பழைய துடைப்பத்தின் பயன்பாடு: பழைய துடைப்பத்தை வீட்டில் விட்டுவிட்டு புதிய வீட்டுக்கு செல்வது தவறு. இது மகாலட்சுமியை பழைய வீட்டிலேயே விட்டுவிடுவதாக அர்த்தம். பயன்படுத்திய துடைப்பத்தை தானமாகவோ, பிறர் பயன்படுத்தவோ கொடுக்கக் கூடாது. இயற்கையான துடைப்பங்கள் (எ.கா., தென்னங்குச்சி, பூந்துடைப்பம்) பயன்படுத்துவது சிறந்தது. இவற்றை வெட்ட வெளியில் எரித்து சாம்பலாக்கலாம். செவ்வாய், வெள்ளி நாட்களில் குப்பையில் போடுவதைத் தவிர்க்கவும். பறவைகள் துடைப்பக் குச்சிகளை கூடு கட்ட எடுத்தால், அது குடும்பத்துக்கு நற்பலனைத் தரும் என சாஸ்திரம் கூறுகிறது.

    மகாலட்சுமியின் மரியாதை: துடைப்பம் மற்றும் குப்பை அள்ளும் முறம் சுத்தத்தின் அடையாளங்கள். இவற்றை மரியாதையுடன் கையாள்வது மகாலட்சுமியை மகிழ்விக்கும். வீட்டை சுத்தமாக வைத்திருப்பது செல்வ தேவியின் அருளை நிலைநிறுத்தும். துடைப்பத்தை வாங்குவது, பயன்படுத்துவது, அகற்றுவது ஆகியவற்றில் வாஸ்து விதிகளைப் பின்பற்றுவது வீட்டில் நேர்மறை சக்தி, பொருளாதார வளர்ச்சி, மன நிம்மதியை உறுதி செய்யும்.

  • Kashi Kala Bhairava: If you do this, good times will come!

    காசியில் உள்ள கால பைரவர் சன்னதி உலகப் புகழ் பெற்றது. காசிக்குச் செல்பவர்கள், இரவு நடைபெறும் கால பைரவர் பூஜையை கண்டு திரும்பாமல் வெளியேறுவதில்லை. கால பைரவர், காசி நகரின் சேனாதிபதியாக விளங்குகிறார். காசியில் மரணிப்பவர்களுக்கு யம பயம் இல்லை; யமனுக்கு தண்டனை வழங்கும் அதிகாரமும் இல்லை. காலனின் அதிகாரத்தைப் பெற்றவர்கள் கால பைரவர் என அழைக்கப்படுகின்றனர்.

    பிரம்மாவின் சிரசு கபாலமாக மாறி, பிரமஹத்தி தோஷத்தால் பாதிக்கப்பட்ட பைரவர், காசி எல்லையில் கால் வைத்தபோது, சிவபெருமான் தோன்றி தோஷத்தை நீக்கி, காசியின் காவல் தெய்வமாக அருளினார். இன்றும் காசி, பைரவர்களின் ஆளுகையில் உள்ளது. நகர எல்லையை எட்டு திசைகளிலும் அஷ்ட பைரவர்கள் காக்கின்றனர்.
    காசி அனுமன் காட்டில் ரிஷப வாகனத்தில் உருபைரவர் தென்கிழக்கிலும், ஸ்ரீதுர்க்கை கோயிலில் மயில் வாகனத்தில் சண்ட பைரவர் தெற்கிலும், விருத காலர் கோயிலில் அன்ன வாகனத்தில் அசி தாங்க பைரவர் கிழக்கிலும், லாட் பஜாரில் யானை வாகனத்தில் கபால பைரவர் வடமேற்கிலும், ஸ்ரீகாமாட்சி கோயிலில் கருட வாகனத்தில் குரோதன பைரவர் தென்மேற்கிலும், பீமசண்டியில் குதிரை வாகனத்தில் உன்மத்த பைரவர் மேற்கிலும், திரிலோசன சங்கமத்தில் நாய் வாகனத்தில் சம்ஹார பைரவர் வடகிழக்கிலும், பூத பைரவரில் சிங்க வாகனத்தில் பீஷண பைரவர் வடக்கிலும் எழுந்தருளி எல்லைகளைப் பாதுகாக்கின்றனர்.

    எனவே, காசியை விட்டு வெளியேறும் ஒவ்வொரு பொருளும் கால பைரவரின் அனுமதி பெற வேண்டும். காசியில் மரணித்தவர்களுக்கு யம தண்டனை இல்லை; பைரவ விசாரணை மட்டுமே உண்டு. நகர எல்லையில் யமனும் திரும்புவார் என்பது ஐதீகம். இதனால், காசி கால பைரவர் சன்னதிக்கு தனி சக்தி உள்ளது. காசி கறுப்பு கயிறு, யம பயத்தை நீக்கி, நல்வாழ்வு தருகிறது.

  • Worship of Anjaneya to fulfill our wishes soon

    நாம் இறைவனை வேண்டி, நமது கோரிக்கைகள் நிறைவேற பிரார்த்திக்கிறோம். சில சமயங்களில், வேண்டுதல்கள் நிறைவேறுவதற்கு நீண்ட காலம் ஆகலாம்; சில நேரங்களில் விரைவில் பலனளிக்கலாம். இந்தப் பதிவில், நமது வேண்டுதல்கள் எளிமையாகவும் விரைவாகவும் நிறைவேற உதவும் ஆஞ்சநேயர் வழிபாட்டைப் பற்றி அறிந்து கொள்வோம்.

    நமது வேண்டுதல்களை நிறைவேற்ற, நேரம் ஒதுக்கி வழிபாடு அல்லது பரிகாரம் செய்ய வேண்டும். ஆனால், நேரம் குறைவாக இருக்கலாம். இதற்கு, ஆஞ்சநேயர் வழிபாடு மிக எளிமையானது. வலிமை மிக்க ஆஞ்சநேயர், ராம நாமத்தால் மகிழ்பவர். இவர், சனி பகவானின் அதிபதியாகவும், சனியால் ஏற்படும் கர்ம வினைகளைத் தணிக்கவல்லவராகவும் விளங்குகிறார். ஆஞ்சநேயரை வணங்குவதால், ஏழரை சனி, கண்ட சனி, அர்த்தாஷ்டம சனி போன்ற தோஷங்கள் நீங்கி, பிரச்சினைகள் குறையும்.
    இந்த வழிபாட்டை, பங்குனி மாதத்தில் வரும் சனிக்கிழமைகளில், காலை 12 மணிக்குள் மேற்கொள்ள வேண்டும்.

    தேவையான பொருள்: 108 வெற்றிலைகள். காலையில் குளித்து, யாருடனும் பேசாமல், வீட்டுப் பூஜையறையில் தீபம் ஏற்றவும். மஞ்சள் நூலில் 108 வெற்றிலைகளை, ஒவ்வொரு முறையும் உங்கள் வேண்டுதலை மனதில் நினைத்து, மாலையாகக் கட்டவும். இந்த மாலையை, பேசாமல் அருகிலுள்ள ஆஞ்சநேயர் கோயிலுக்கு எடுத்துச் சென்று, அவருக்கு சாற்றவும்.

    பின்னர், கடுகு எண்ணெயில் இரண்டு தீபங்கள் ஏற்றி, “ராமா ராமா” என 11 முறை கூறி, ஆஞ்சநேயரை வலம் வரவும். வழிபாடு முடியும் வரை வேண்டுதலில் கவனமாக இருக்கவும்; யாருடனும் பேச வேண்டாம். வழிபாடு முடிந்த பிறகு பேசலாம்.

    பங்குனி மாத சனிக்கிழமைகளில் இவ்வாறு ஆஞ்சநேயரை வழிபட்டால், நீண்ட நாள் கோரிக்கைகள் விரைவில் நிறைவேறும்.

  • Worships that expiate past sins: From clan deities to Chandikeswarar!

    நிகழ்காலத்தில் நாம் எவ்வளவு முயன்றாலும், சில தடைகள் நம் காரியங்களை தடுக்கலாம். இதனால், பலர் முன்ஜென்மத்தில் செய்த பாவங்களின் பலனே இதற்கு காரணம் என எண்ணுகின்றனர். இந்த பாவ வினைகளை நிவர்த்தி செய்ய பல ஆன்மிக வழிகள் உள்ளன.

    முதலில், குலதெய்வ வழிபாடு மிக முக்கியம். நமது குலதெய்வம் எது, முன்னோர்கள் எந்த தெய்வத்தை வணங்கினார்கள் என கண்டறிந்து, முறையாக வழிபட வேண்டும். குலதெய்வத்திற்கு எவ்வளவு பெரிய பிரச்னையையும் தீர்க்கும் ஆற்றல் உண்டு.

    அடுத்து, முன்னோர்களுக்கு செய்ய வேண்டிய கடமைகளை மறக்கக் கூடாது. அமாவாசை அன்று விரதம் இருந்து, எள், தண்ணீர் வைத்து முன்னோர்களின் ஆசி பெற வேண்டும். பசுவிற்கு வெல்லம், வாழைப்பழம், அகத்தி கீரை கொடுப்பது, காகத்திற்கு தினமும் மதிய உணவு படைப்பது முன்ஜென்ம வினைகளை குறைக்கும் பரிகாரங்களாகும்.

    கோவிலுக்கு சென்று இஷ்ட தெய்வத்தை மனதார வேண்டி, வீட்டில் பூஜையறையில் குலதெய்வத்தை நினைத்து வழிபட வேண்டும். மூன்று மூன்று அரச இலைகளில் உப்பு, உதிரி பூக்கள் வைத்து, ஒன்பது அகல் விளக்குகள் ஏற்றி, ஒன்பது அமாவாசைகள் தொடர்ந்து வழிபடுவது பாவ வினைகளில் இருந்து விடுதலை அளிக்கும்.

    கோவில்களில் சண்டிகேஸ்வரரை வணங்குவது அவசியம். முன்ஜென்ம பாவங்களை தீர்க்கும் ஆற்றல் கொண்ட சண்டிகேஸ்வரருக்கு அன்னதானம் செய்வது புண்ணியத்தை பெருக்கும். இவ்வாறு, குலதெய்வம், முன்னோர்கள், சண்டிகேஸ்வரர் வழிபாடுகளுடன், நல்ல எண்ணங்களுடன் செய்யும் பரிகாரங்கள் நமது வாழ்வை மேம்படுத்தும்.

     

  • Is it wrong to give charity when going to and from the temple?

    நாம் மகிழ்ச்சியாகவோ அல்லது மனக் குழப்பத்திலோ இருக்கும்போது, இஷ்ட தெய்வங்களை வணங்க கோவில்களுக்கு செல்வது வழக்கம். அங்கு இறைவனை வேண்டி விட்டு திரும்பும்போது, வாசலில் சிலர் தர்மம் கேட்பது இயல்பு. ஆனால், பலர், “கோவிலில் வேண்டுதல் நிறைவேறியது, இப்போது தர்மம் செய்தால் வரம் பறிபோய்விடும், பலன் கிடைக்காது” என தவறாக நம்பி, தர்மம் செய்ய தயங்குகின்றனர். இது முற்றிலும் மூடநம்பிக்கை.

    இறைவனை வணங்கிவிட்டு, பெரும் தொகையை தானமாக அளித்து, “இவ்வளவு செய்தோம், இவ்வளவு புண்ணியம் கிடைக்கும்” என எண்ணுவதும் தவறு. உதவி தேவைப்படுவோருக்கு, நம்மால் முடிந்த உதவியை, பாகுபாடின்றி, சரியான நேரத்தில் செய்ய வேண்டும். தர்மம் உரியவரை முழுமையாக சென்றடைகிறதா என்பதை உறுதி செய்ய வேண்டும். பணம் மட்டும் கொடுத்துவிட்டு, “புண்ணியம் கிடைத்துவிடும்” என நினைப்பது சரியல்ல.

    உதாரணமாக, கோவிலில் இருந்து திரும்பும்போது, ஒரு முதியவர் பசியால் உணவு கேட்கிறார் என்றால், “கோவில் வந்துவிட்டேன், தர்மம் செய்ய மாட்டேன்” என மறுப்பது தவறு. பசியை உடனே தீர்ப்பதே உண்மையான தர்மம். அது நம் புண்ணிய கணக்கில் சேரும். இறைவனால் படைக்கப்பட்ட ஒவ்வொரு ஜீவனும், அவரவர் பூர்வ ஜென்ம பலன்களால் வாழ்கிறது. நல்ல எண்ணங்களுடன், நன்மைகளை மேம்படுத்த முயற்சிப்பது நம் கடமை. தர்மத்தை பகுத்தறிந்து, மனிதாபிமானத்துடன் செய்வோம்; அதுவே இறைவனுக்கு உகந்தது.