Author: cmsadmin

 

அப்பூதி அடிகளார் அறுபத்து மூன்று நாயன்மார்களுள் ஒருவர் . அன்றைய சோழ நாட்டை சேர்ந்த திங்களூரில் வாழ்ந்த சிறந்த சிவபக்தர்  . நாயன்மார்களில் முதன்மையானவரான திருநாவுக்கரசரை  நேரில் பார்க்காமலேயே ,அவரைப்  பற்றிக் கேள்விப்பட்டு அவரிடம்  பெரும் மதிப்பும் , மரியாதையும் கொண்டு  இருந்தார். தன்னுடைய புதல்வர்களுக்கு மட்டுமல்லாமல் தான் ஆசையாக  வளர்த்த  பசு, எருமை, கன்றுகள், முதற்கொண்டு தன் வீட்டில் உபயோகப்படுத்தப்பட்ட தராசு, அளக்கும் கருவிகளான மரக்கால், படிகள் ஆகிய எல்லாவற்றிற்கும் நாவரசர் பெயரைச் சூட்டும் அளவிற்கு அவர் மேல் பக்தி கொண்டிருந்தார் .

 

இது மட்டுமின்றி திருநாவுக்கரசரின் சிவத்தொண்டினை அறிந்த அப்பூதியடிகள் திருநாவுக்கரசரின் பெயரால் மக்களுக்கு அன்னம்தானம் செய்தல் , சத்திரம் அமைத்துக் கொடுத்தல் , நீர் பந்தல் அமைத்தல்  என செய்து வந்தார் .  திங்களூருக்கு  வந்த திருநாவுக்கரர் அப்பூதியடிகளின் இந்த நற் தொண்டினை அறிந்து அவரைக் காண அவரின் இல்லத்திற்கு சென்றார்.

 

                                                                                    

 

அப்பூதியடிகளை நேரில் சந்தித்த திருநாவுக்கரசர், நீங்கள் அரும்பாடுபட்டு செய்யும் தர்ம காரியங்களுக்கு , ஏன் உங்கள் பெயர் வைக்காமல் ,  யாரோ ஒரு திருநாவுக்கரசரின் பெயரை வைத்திருக்கிறீர்கள்  என்று வினவினார். அதற்கு அப்பூதியடிகள் திருநாவுக்கரசர் சமண சமயத்தில் பெரும் துறவியாய் இருந்த போதிலும் ,  சிவனருளால் சைவ மதமேற்று தொண்டுகள் புரிந்து வருவதை  எடுத்துரைத்தார். மேலும் சிவனடியவருக்கு செய்யும் தொண்டு , அந்த சிவனுக்கே செய்வது போன்றது என்று எடுத்துரைத்தார். அப்பூதியடிகளின் களங்கமற்ற அன்பை புரிந்துக் கொண்டதும்   தானே திருநாவுக்கரசர் என்று தன்னை வெளிப்படுத்தினார் நாவுக்கரசர். இத்தனை காலம் தான் மனதிற்குள் வைத்து பூஜித்த திருநாவுக்கரசரே தன்னுடைய இல்லம் வந்திருப்பதை அறிந்து மகிழ்ந்த அப்பூதி அடிகள் அவரை உணவு உண்ண அழைத்தார்.

 

 

நாவுக்கரசருக்கு உணவு படைக்க வாழை இலையை அறுக்கச் சென்ற அப்பூதி அடிகளின் மகன் பாம்பு  தீண்டப்பட்டு  இறக்க நேரிடுகிறது . அந்த துயர நேரத்திலும் , மகன் இறந்து போனதால், திருநாவுக்கரசரை உணவு உண்ண தடை ஏற்படக்கூடாது என அப்பூதி அடிகளும், அவரது மனைவியும் துயரத்தினை மறைத்து உணவு இட்டனர். ஆனால் திருநாவுக்கரர் தன்னுடன் அப்பூதியடிகளின் மகனையும் உணவருந்த அழைக்க ,  அப்பூதி அடிகள் தன்னுடைய மகன் பாம்பு தீண்டி இறந்ததை தெரிவித்தார். இதுவும்  இறைவனின் திருவிளையாடல் என  புரிந்துக்கொண்ட நாவுக்கரசர் இறைவன் மேல் பாடல்பாடி அப்பூதி அடிகளின் மகனை உயிர்ப்பித்தார்.

 

இனி சிவாலயங்களுக்கு நாம் செல்லும் பொது , எம்பெருமான் சிவனை நெஞ்சார நிறுத்தி மனமுருக வாயாராப் பாடிய அறுபத்து மூன்று நாயன்மார்களை மனதார போற்றுவோம் .

திருப்பதி ஏழுமலையான் கோயிலில் லட்டு மற்றும் முடி மீது அறிவிக்கப்பட்ட ஜிஎஸ்டி வரியில் இருந்து விலக்கு அளிக்கப்பட்டுள்ளது. திருமலைக்கு வரும் பக்தர்களுக்கு, தேவஸ்தானம் குறைந்த விலையில் வாடகை அறை, மானிய விலையில் லட்டு, நாள் முழுவதும் அன்னதானம், சிற்றுண்டி, பால், காபி, டீ, மோர் ஆகியவற்றை இலவசமாக அளித்து வருகிறது. இந்நிலையில் நாடு முழுவதும் ஜிஎஸ்டி வரிவிதிப்பை வரும் ஜூலை 1-ம் தேதி முதல் மத்திய அரசு அமல்படுத்த உள்ளது. இதற்கு முன்னர் சேவை வரியிலிருந்து திருமலை திருப்பதி தேவஸ்தானத்துக்கு விலக்கு அளிக்கப்பட்டிருந்தது. ஆனால், ஜிஎஸ்டி வரிவிதிப்பு இனி திருப்பதி தேவஸ்தானத்துக்கும் பொருந்தும் என அறிவித்தது. இதனால், திருமலையில் உள்ள வாடகை அறைகள், லட்டு பிரசாதம் உள்ளிட்டவற்றின் விலை உயர வாய்ப்புள்ளது என அறிவிப்பு வெளியாகின. இதைதொடர்ந்து, தேவஸ்தானம் இதுகுறித்து தீவிர ஆலோசனையில் ஈடுபட்டது. பின்னர், இறுதியாக மத்திய அரசு முடி அகற்றுவதற்கும், பக்தர்களுக்கு வழங்கப்படும் மானிய விலை லட்டுவில் இருந்தும் விலக்கு அளித்துத் தீர்ப்பளித்தாக, ஆந்திர நிதியமைச்சர் யனமாலா ராமகிருஷ்ணன் விஜயவாடாவில் அறிவித்துள்ளார். மேலும் தங்கும் அறையின் வாடகை ரூ.1000-த்திற்கு மேல் 12% வரி விதிக்கப்படும் என்று ஆந்திர அமைச்சர் கூறியுள்ளார்.

சபரிமலை ஐயப்பன் கோவிலில் 25-ந்தேதி கொடிமரத்திற்கு பிரதிஷ்டை நடக்கிறது. பிரசித்தி பெற்ற சபரிமலை ஐயப்பன் கோவிலில் புதிய கொடிமரம் அமைக்கும் பணிகள் வேகமாக நடந்து வருகிறது. புதிய கொடி மரம் சபரிமலை சன்னிதானத்திற்கு கொண்டுச் செல்லப்பட்டு பூஜைகள் நடந்து வருகிறது. கொடி மரத்திற்கு விசே‌ஷ பூஜைகள் நடக்கின்றன. பிரசாத சுத்திகரிப்பு பூஜை மற்றும் ஹோமங்கள் நடக்கிறது. வருகிற 22-ந்தேதி சகஸ்கர கலச பூஜை, ஜல பூஜை, 23-ந்தேதி கலச பூஜை, 24-ந்தேதி களபாபிஷேகம் போன்றவையும் நடக்கிறது. தொடர்ந்து 25-ந்தேதி காலை 11.50 மணி முதல் பிற்பகல் 1.40 மணி வரை உள்ள சுப முகூர்த்த வேளையில் கொடி மரத்திற்கு பிரதிஷ்டை நடக்கிறது.

ஜி.எஸ்.டி வரி விதிப்பால் திருப்பதி ஏழுமலையான் கோயிலில் வழங்கப்படும் லட்டு பிரசாதத்தின் விலை அதிகரிக்க வாய்ப்புள்ளதாக தகவல் வெளியாகி உள்ளது. திருப்பதி ஏழுமலையானை தரிசிக்க நாள் தோறும் பல்லாயிரக்கணக்கான பக்தர்கள் வருகின்றனர். பக்தர்களுக்கு குறைந்த விலையில் வாடகை அறை, மானிய விலையில் லட்டு, அன்னதானம் ஆகியவற்றை திருப்பதி தேவஸ்தானம் வழங்கி வருகிறது. தற்போது நாடு முழுவதும் ஜி.எஸ்.டி எனப்படும் சரக்கு மற்றும் சேவை வரி முறை நடைமுறைக்கு வரவுள்ளது. இந்த வரி விதிப்பால், திருப்பதி ஏழுமலையான் கோயிலில் தரிசன டிக்கெட், பிரசாதங்கள் மற்றும் அறை வாடகை உயரும் நிலை ஏற்பட்டுள்ளது. இதற்கு முன்னர் சேவை வரியிலிருந்து திருமலை – திருப்பதி தேவஸ்தானத்துக்கு விலக்கு அளிக்கப்பட்டிருந்தது. ஆனால், ஜி.எஸ்.டி வரிவிதிப்பு இனி திருப்பதி தேவஸ்தானத்துக்கும் பொருந்தும். இதனால், திருப்பதியிலுள்ள தங்கும் அறைகள், லட்டு பிரசாதம் உள்ளிட்டவற்றின் விலை உயரும் என தேவஸ்தான அதிகாரிகள் தெரிவித்துள்ளனர்.

ஏதோ ஒரு பெயர் தெரியாத பழைய திரைப்படத்தில் தேவலோகத்தில் ரம்பா, ஊர்வசி, மேனகா எல்லாம் அட்டகாசமாக ஆடிக் கொண்டிருந்தார்கள். இந்திரன் ரசித்துப் பார்த்துக் கொண்டிருந்தார். இந்த ரம்பா, ஊர்வசிக்கெல்லாம் வயசே ஆகாதா? எப்பப் பார்த்தாலும் அப்படியே இருக்காங்களே என்றேன். அப்படியே இளமையா இருக்கணும்னுதான் ரம்பா, ஊர்வசி, மேனகா எல்லாம் பூலோகத்திற்கு வந்து வரம் வாங்கிட்டு போனாங்க என்றார் என் நண்பரின் பாட்டி. எந்த ஏரியாவில வரம் வாங்கினாங்க பாட்டி என்றேன்.