Blog

திருப்பதி ஏழுமலையான் ஆலயத்தில் சாலக்கட்ல பிரம்மோற்சவம் கொடியேற்றத்துடன் விமர்சையாக துவங்கியது ஒன்பது நாட்கள் பிரம்மோற்சவத்தின் முதல் நாளான இன்று இரவு மலையப்ப சுவாமி ஸ்ரீதேவி பூதேவியுடன் மாட வீதிகளில் வலம் வந்தார். கோலாட்டங்கள்  பஜனை குழுவினர் வாத்திய கச்சேரிகள் என்று மாடவீதிகளில் வாகன சேவை வைபவமாக நடைபெற்றது.

திருப்பதி ஏழுமலையான் கோயிலில் சாலக்கட்ல பிரம்மோற்சவம் கொடியேற்றத்துடன் வைபவமாக துவங்கியது.

இரண்டு வருடங்களுக்கு ஒரு முறை தெலுங்கு பஞ்சாங்கப்படி அதிக மாசம் வருவதால் இரண்டு பிரம்மோசங்கள் நிகழ்த்துவது வழக்கம். அந்த வகையில் இந்த ஆண்டு புரட்டாசி மாதத்தின் துவக்கத்தில் சாலக்கட்ல பிரம்மோற்சவம் விமர்சையாக துவங்கியது.  ஸ்ரீதேவி பூதேவி சமேதராக மலையப்ப சுவாமியை கொடி மரத்தின் அருகே எழுந்தருள ச் செய்து கொடி மரத்திற்கு விசேஷ அபிஷேக ஆராதனைகள் நடத்தப்பட்டது.

தொடர்ந்து கருடக்கொடி ஏற்றி வைத்து விமர்சையாக துவங்கியது பத்து நாட்கள் ஏழுமலையானின் வாகன சேவைகள் காலை மாலை இரண்டு வேளைகளிலும் நடைபெறும். பிரம்மோற்சவ  வாகன சேவைகளை காண ஏராளமான பக்தர்கள் திருமலைக்கு வந்து குவிந்துள்ளனர்.

சிறுமுகை அருகே ஜடையம்பாளையத்தில் தென் திருப்பதி ஸ்ரீவாரி ஆலயத்தில் வருடாந்திர பிரம்மோற்சவ விழாவை ஒட்டி ஊஞ்சல் உற்சவம் நடைபெற்றது

கோவை மாவட்டம் மேட்டுப்பாளையம் அருகே உள்ள ஜடையம்பாளையத்தில் அமைந்துள்ள தென்திருப்பதி ஸ்ரீவாரி ஆலயத்தில் வருடாந்திர பிரம்மோற்சவ விழா நேற்று கொடியேற்றத்துடன் துவங்கியது

இதனைத் தொடர்ந்து இரண்டாவது நாளாக இன்று மலையப்பசாமி கோவில் முன் மண்டபத்தில்  எழுந்தருளும் ஊஞ்சல் உற்சவம் நடைபெற்றது.

முன்னதாக காலை மலையப்ப சாமி சின்னசேஷ வாகனம் ஸ்தாபன திருமஞ்சனம் அன்னபசி வாகனம் ஆகியவற்றில் எழுந்தருளி பக்தர்களுக்கு காட்சி அளித்த நிலையில் மாலை வண்ண மலர்களால் அலங்கரிக்கப்பட்ட மண்டபத்தில் மலையப்ப சாமி அலங்கார கோலத்தில் எழுந்தருளி பக்தர்களுக்கு காட்சியளித்தார்

ஊஞ்சல் உற்சவத்தின் போது வேத விற்பனர்கள் மந்திரங்கள் ஓதி பக்தர்கள் மலையப்ப சாமியான ஸ்ரீ வெங்கடேச பெருமாளை வழிபட்டனர்.

விருதுநகர் மாவட்டம் இராஜபாளையத்தில் விநாயகர் சதுர்த்தியை முன்னிட்டு விவசாயம் செய்யும் விநாயகர் புல்லட்டில் அமர்ந்த விநாயகர் என அற்புதமான சிலைகள் அமைத்து விநாயகர் சதுர்த்தி ஊர்வலத்தை மதுரை ஆதீனம் கொடியசைத்து துவக்கி வைத்தார் …

விருதுநகர் மாவட்டம் இராஜபாளையம் மாப்பிள்ளை விநாயகர் நற்பணி மன்றம் சார்பில் விநாயகர் சதுர்த்தியை முன்னிட்டு பிரமாண்டமான விநாயகர் சிலைகள் கடந்த இரண்டு மாதங்களாக தயார் செய்யப்பட்டு விநாயகர் சதுர்த்தி ஆன வீதி உலா வந்தது.

 விநாயகர் விவசாயத்திற்கு உரம் போடுவது உரம் போடுவது போலவும், புல்லட்டில் விநாயகர் வலம் வருவது போன்ற விநாயகர் சிலைகள் அமைக்கப்பட்டு இராஜபாளையம் வடக்கு காவல் நிலையம் அருகே தர்மாபுரம் மாப்பிள்ளை விநாயகர் கோவிலில் இருந்து ஊர்வலம் புறப்பட்டது

ஊர்வலத்தை மதுரை ஆதீனம் கொடியசைத்து துவக்கி வைத்தார்  மழையிலும் இருபறமும் பொதுமக்கள் கூடி நின்று விநாயகரை வழிபட்டு விநாயகர் சதுர்த்தி ஊர்வனத்தில் பங்கேற்றனர் .

விருதுநகர் மாவட்ட காவல்துறை கண்காணிப்பாளர் சீனிவாச பெருமாள் உத்தவரின் பெயரில் இராஜபாளையம் காவல்துறை துணை கண்காணிப்பாளர் ப்ரீத்தி தலைமையில் 3 டிஎஸ்பிகள் 10 ஆய்வாளர்கள் என 100க்கு மேற்பட்ட போலீசார் பாதுகாப்பு பணியில் ஈடுபட்டனர்.

தமிழகத்தின் தென் திருப்பதியான கரூர் தான்தோன்றிமலை கல்யாண வெங்கட்ரமணசுவாமி கோவில் புரட்டாசி பெருந்திருவிழா கொடியேற்றத்துடன் தொடங்கியது.

தமிழகத்தின் தென் திருப்பதி என்றழைக்கப்படும் கரூர் தான்தோன்றிமலை கல்யாண வெங்கட்ரமணசுவாமி கோவில் புரட்டாசி பெருந்திருவிழா ஆண்டு தோறும் வெகு சிறப்பாக நடைபெறுவது வழக்கம். அதன்படி இந்த ஆண்டிற்கான கல்யாண வெங்கட்ரமணசுவாமி கோவில் புரட்டாசி பெருந்திருவிழா இன்று காலை கொடியேற்றத்துடன் தொடங்கியது.

இதையொட்டி கோவில் வளாகத்தில் அமைக்கப்பட்டுள்ள கொடி கம்பத்திற்கு சிறப்பு பூஜைகள் செய்து கோவில் பட்டாச்சாரியார் கொடியை ஏற்றி வைத்து தீபாராதனை காண்பித்தார். பின்னர் சுவாமிக்கு பால், பன்னீர், இளநீர், சந்தனம் உள்பட பல்வேறு வாசனை பொருட்களை கொண்டு சிறப்பு அபிஷேகம் செய்யப்பட்டது. பின்னர் மலர்களை கொண்டு சிறப்பு அலங்காரம் செய்யப்பட்டு தீபாராதனை காண்பிக்கப்பட்டது.

வருகின்ற 24-ம் தேதி திருக்கல்யாண உற்சவம் தொடர்ந்து 26 ஆம் தேதி திருத்தேர் நடைபெற உள்ளது என்பது குறிப்பிடத்தக்கது.