Blog

சுப்ரமண்ய மங்கள ஸ்தோத்திரம் முருகப்பெருமானின் வழிபாட்டு பாடல்களில் ஒன்றாகும். தினந்தோறுமோ அல்லது செவ்வாயக் கிழமையிலோ, ஷஷ்டியிலோ, கிருத்திகை நக்ஷத்திர தினத்திலோ படிப்பது விசேஷம். இதைப் படிப்பதால் புத்ர லாபம், ஆரோக்யம் உண்டாகும். கடன், சத்ருபயம் நீங்கும்.

மங்களம் தேவ தேவாய ராஜ ராஜாய மங்களம்
மங்களம் நாத நாதாய கால காலாய மங்களம்
மங்களம் கார்த்திகேயாய கங்கா புத்ராய மங்களம்
மங்களம் ஜிஷ்ணுஜேசாய வல்லீநாதாய மங்களம்
மங்களம் சம்புபுத்ராய ஜயந்தீசாய மங்களம்
மங்களம் ஸுகுமாராய ஸுப்ரமண்யாய மங்களம்

மங்களம் தாரகஜிதே கணநாதாய மங்களம்
மங்களம் சக்திஹஸ்தாய வன்ஹிஜாதாய மங்களம்
மங்களம் பாஹுலேயாய மஹாஸேனாய மங்களம்
மங்களம் ஸ்வாமிநாதாய மங்களம் சரஜந்மநே
அஷ்டநேத்ரபுரீசாய ஷண்முகாயாஸ்து மங்களம்
கமலாஸன வாகீச வரதாயாஸ்து மங்களம்

ஶ்ரீகௌரீகர்ப்பஜாதாய ஶ்ரீகண்டதநயாய ச
ஶ்ரீகாந்தபாகினேயாய ஶ்ரீமத்ஸ்கந்தாய மங்களம்
ஶ்ரீவல்லீரமணாயாத ஶ்ரீகுமாராய மங்களம்
ஶ்ரீதேவஸேநாகாந்தாய ஶ்ரீவிசாகாய மங்களம்
மங்களம் புண்யரூபாய புண்யஸ்லோகாய மங்களம்
மங்களம் புண்யயசஸே மங்களம் புண்யதேஜஸே…!

திருவண்ணாமலை மாவட்டம், துரிஞ்சாபுரம் ஒன்றியம், நூக்காம்பாடி கிராமத்தில் எழுந்தருளி பன்நெடுங்காலமாய் வேண்டுவோர்க்கு வேண்டியதை நல்கி அருளாட்சி புரியும் அருள்மிகு ஸ்ரீ பாலமுருகன் ஆலய புணராவர்த்தன அஷ்டபந்தன, சமர்ப்பண மகா கும்பாபிஷேகம் இன்று நடைபெற்றது.

 500க்கும் மேற்பட்ட பக்தர்கள் கந்தனுக்கு அரோகரா, முருகனுக்கு அரோகரா என்ற கோஷம் விண்ணை பிளக்கும் வகையில் கும்பாபிஷேகம் வெகு விமரிசையாக நடைபெற்றது. நேற்று காலை கும்பாபிஷேக திருப்பணிகள் மங்கள இசை வேத பாராயணம், திருமுறை பாராயணம், தேவதா அனுக்ஞை, ஸ்ரீ கணபதி ஹோமம், ஸ்ரீ லட்சுமி ஹோமம், மகா தீபாராதனையுடன் துவங்கியது.

பின்னர் நேற்று மாலை வாஸ்து சாந்தி, பிரவேசபலி,  கும்பலங்காரம், அங்குரார்பணம்,  ரக்ஷாபந்தனம், முதல் கால யாக சாலை பூஜை, திரவியாஹூதி, பூர்ணாஹீதி, தீபாராதனை, பிரசாதம் வழங்குதல் உள்ளிட்டாவை நடைபெற்றது.

இன்று காலை விநாயகர் பூஜை, கோ பூஜை, தத்துவார்ச்சனை, பிரான பிரதிஷ்டை, இரண்டாம் கால யாகசாலை பூஜை, பூர்ணாஹீதி, தீபாராதனை, யாத்ரா தானம், கடம் புறப்பாடு நடைபெற்று சிவாச்சாரியார்களால் கலசங்கள் கோயிலை சுற்றி வந்து கோயில் உச்சியில் அமைக்கப்பெற்ற கலசங்களுக்கு சிவாச்சாரியார்கள் வேத மந்திரங்கள் முழங்க புனித நீர் ஊற்றப்பட்டு மகா கும்பாபிஷேகமானது 500க்கும் மேற்பட்ட பக்தர்கள் முருகனுக்கு அரோகரா கந்தனுக்கு அரோகரா என்ற பக்தி முழக்கத்துடன் மகா கும்பாபிஷேகம் சிறப்பான முறையில் நடைபெற்றது.

நேற்று மாலை நடந்த யாகசாலை பூஜையில் ரத்னகிரி தவத்திரு பாலமுருகனடிமை சுவாமிகள் கலந்து கொண்டார். அருள்மிகு ஸ்ரீ பாலமுருகன் ஆலய மூலஸ்தான கும்பாபிஷேகம் நடைபெற்று புனித நீர் பக்தர்களுக்கு தெளிக்கப்பட்டது. பின்பு தீபாரதனை நடைபெற்று கலந்து கொண்ட பக்தர்களுக்கு அன்னதானமும் வழங்கப்பட்டது.

4இரண்டு பைரவர்களைக் கொண்ட இரண்டாவது குருஸ்தலம் என்று பக்தர்களால் வழங்கப்படும் ஆலங்குடி நாமபுரீஸ்வரர் திருக்கோவிலில் மகா கால பைரவாஷ்டமியில் பைரவருக்கு சிறப்பு வழிபாடு. பைரவ உற்சவ மூர்த்தி வீதி உலா காட்சி நடைபெற்றது.

புதுக்கோட்டை மாவட்டம் ஆலங்குடி நகரின் மையப் பகுதியில் அமைந்துள்ளது நாமபுரீஸ்வரர் திருக்கோவில். இந்த திருக்கோவில் இரண்டாவது குருஸ்தலம் எனவும் பக்தர்களால் வழங்கப்பட்டு வருகிறது. இந்த திருக்கோவிலில் மற்ற கோவில்களில் இல்லாத சிறப்பாக ஆதி கால பைரவர் மற்றும் காசி கால பைரவர் என இரண்டு பைரவர்கள் அருள்பாளித்து வருகின்றனர்.

புதுக்கோட்டை மாவட்டத்தின் மிகவும் பிரச்சித்தி பெற்ற கோவில்களில் ஒன்றான இந்த திருக்கோவிலில், மகா கால பைரவாஷ்டமியை முன்னிட்டு காலை முதலே சிறப்பு பூஜைகள் நடைபெற்று வந்தன. யாகசாலையில் சிறப்பு ஹோமங்கள் செய்யப்பட்டு, பால், பன்னீர், தேன், சந்தனம், பஞ்சாமிர்தம் உள்ளிட்ட பல்வேறு சிறப்பு அபிஷேகங்கள் செய்யப்பட்டு சந்தனக் காப்பு அலங்காரத்தில் பைரவர் காட்சி அளித்தார். வில்வ சகஸரநாம அர்ச்சனை செய்யப்பட்டது.

பின்னர் தேர் பவணியில் பைரவ உற்சவ மூர்த்தி எழுந்தருள பக்தர்கள் பக்திபரவசத்துடன் தேரை வடம் பிடித்து இழுத்தனர். மேலும் வண்ண விளக்குகள் மிளிர பட்டாசுகள் வெடிக்க விமர்சையாக நடைபெற்ற இந்த தேர் பவனி காண்போரை வெகுவாக கவர்ந்தது. மேலும் தேர் கோயிலை சுற்றி உள்ள நான்கு வீதிகளிலும் வளம் வந்து நிலை நின்றது. மேலும் இந்த தேர் பவணியை முன்னிட்டு சுவாமிக்கு சிறப்பு  ஆராதனை நடைபெற்றது.

மேலும் இந்த தேர் பவனி நிகழ்ச்சியில் தெரு நெடுகிலும் நின்ற ஏராளமான பக்தர்கள் சுவாமிக்கு மாலை வழங்கி சாமி தரிசனம் செய்தனர். பின்னர் பைரவருக்கு உரிய நிறமான சிவப்பு நிறக் கயிறும், பிரசாதமும் பக்தர்களுக்கு வழங்கப்பட்டது.