Category: அவசியம் படிக்க

பிப்ரவரி 19 –  பவுர்ணமி 
விளம்பி வருடம் – மாசி 7
 பவுர்ணமி 
19-பிப்-2019 செவ்வாய்  ஜமாதுல் ஆகிர்13
நல்ல நேரம்    :    7.30 – 9.00    
ராகு    :    3.00 – 4.30    
குளிகை    :    12.00 – 1.30
எமகண்டம்    :    9.00 – 10.30                          
திதி    :    பவுர்ணமி          
திதி நேரம்    :    பவுர்ணமி    இ    10.05
நட்சத்திரம்    :    ஆயில்யம்    கா    11.03
யோகம்    :    சித்த யோகம்
சந்திராஷ்டமம்    :    திருவோணம்
சூலம்    :    வடக்கு
பரிகாரம்    :    பால்
 

உளுந்தூர்பேட்டை  கந்தசாமி புரத்தில் உள்ள சக்தி விநாயகர் ஆலயத்தில் மகா கும்பாபிஷேகம் மிகச் சிறப்பாக நடைபெற்றது. 

விழுப்புரம் மாவட்டம் உளுந்தூர்பேட்டை நகரம் கந்தசாமி புரத்தில் அருள்மிகு சக்தி விநாயகர் ஆலய மகா கும்பாபிஷேகம் ராமகிருஷ்ணா  குருகுலத்தில் இருந்து வந்திருந்த பத்மபிரியா அம்மாள் அவர்களின் தலைமையில் நடைபெற்றது இந்த நிகழ்ச்சியையொட்டி நேற்றைய தினத்தில் இருந்து யாகசாலை பூஜைகள் துரைசாமிசிவாச்சார்யார், மற்றும் சங்கரசிவம் குருக்களின் தலைமையில் இரண்டு நாட்களாக யாகசாலை பூஜைகள் மிக சிறப்பாக நடைபெற்றது. 

நேற்றிலிருந்து இந்த பூஜையில் நூற்றுக்கணக்கான பொதுமக்கள் கலந்து கொண்டனர் இன்று காலை சரியாக 9 மணியளவில் யாகசாலையில் இருந்து புறப்பட்ட கலசங்கள் சக்திவிநாயகர்,  தட்சிணாமூர்த்தி மற்றும் நவகிரக மூர்த்திகளுக்கு அஷ்டபந்தன மகா கும்பாபிஷேகம் மிக  மிக சீரும் சிறப்புமாக நடைபெற்றது.

இதில் முன்னாள் பேரூராட்சி மன்ற தலைவர் ஜெயசங்கர், முன்னாள் பேரூராட்சி மன்ற உறுப்பினர் சௌ. ராமலிங்கம், லட்சுமிநாராயணன், ஜனார்த்தனன்,  குரு. கணேசன், தமிழ்நாடு பத்திரிக்கையாளர் சங்கர் விழுப்புரம் மாவட்ட தலைவர் ரமேஷ்பாபு ,அமுதசுரபி விநியோக சங்க தென் மண்டல செயலாளர் ராமுசுப்பிரமணியன், உட்பட ஊர் முக்கியஸ்தர்களும் நூற்றுக்கும் மேற்பட்ட பொதுமக்களும் கலந்து கொண்டனர் வந்திருந்த அனைத்து பக்தர்களுக்கும் அன்னதானம் வழங்கப்பட்டது.

திருச்செந்தூர் கோவில் மாசித்திருவிழாவையொட்டி சுவாமி வெட்டிவேர் சப்பரத்தில் பக்தர்களுக்கு காட்சியளித்தார். வருகிற 19-ந் தேதி 10-ம் திருவிழா அன்று சிகர நிகழ்ச்சியான தேரோட்டம் நடக்கிறது.

முருகப்பெருமானின் அறுபடை வீடுகளில் இரண்டாம் படைவீடான திருச்செந்தூர் சுப்பிரமணியசுவாமி கோவில் மாசித் திருவிழா கடந்த 10-ந் தேதி காலையில் கொடியேற்றத்துடன் தொடங்கி நடைபெற்று வருகிறது. 7-ம் திருவிழாவான இன்று அதிகாலை 4.50 மணிக்கு கும்ப லக்கனத்தில் சண்முகபெருமானின் உருகு சட்டசேவை நிகழ்ச்சி நடைபெற்றது.

இதனைத் தொடர்ந்து 8.45 மணிக்கு ஆறுமுகப்பெருமான் வெட்டிவேர் சப்பரத்தில் எழுந்தருளி பிள்ளையன்கட்டளை மண்டபத்தை வந்து சேர்ந்தார். அங்கு சுவாமிக்கு சிறப்பு அபிஷேகம், அலங்காரம், தீபாராதனை நடைபெற்றது. மாலை 4.30 மணிக்கு சுவாமி சிவன் அம்சத்தில் தங்க சப்பரத்தின் மீது சிகப்பு சாத்தி கோலத்தில் எழுந்தருளி வீதி உலா வந்து பக்தர்களுக்கு காட்சியளிக்கிறார்.

சென்னை திருவொற்றியூர் தியாகராஜ சுவாமி வடிவுடையம்மன் கோவிலில் தேர் உற்சவம்  நடைபெற்றதையொட்டி ஆயிரக்கணக்கான பக்தர்கள் தேரை வடம் பிடித்து இழுத்தனர். 

பூலோக கைலாயம் என்று அழைக்கப்படும் வரலாற்று சிறப்புமிக்க 2௦௦௦ஆண்டு பழமையான திருவொற்றியூர் தியாகராஜ சுவாமி வடிவுடையம்மன் திருகோவிலில் கடந்த 1941ம் ஆண்டு மன்னர் காலத்தில்  தேர் உற்சவம் நிறுத்தப்பட்டது.

இதனையடுத்து 75 ஆண்டுகளுக்கு பிறகு கடந்த  2016 ம் ஆண்டு  46 இலட்சம் மதிப்பில் தேக்கு மற்றும் இலுப்பை மரத்தினால் 41அடி உயர திருத்தேர் புதியதாக செய்யப்பட்டு நான்காவது  ஆண்டாக இன்று  தேர் உற்சவம்  நடைபெற்றது. மாசி திருவிழாவை முன்னிட்டு கடந்த 10 ம் தேதி கொடியேற்றத்துடன் தொடங்கி  பிரம்மோற்சவத்தின் 7ம் நாளான  இன்று  சந்திரசேகர சுவாமி திரிபுரசுந்தரி அம்மனை  அலங்கரித்து 108 சங்க நாதம் முழங்க சிவாச்சாரியார்களின் பஜனை கோஷங்களுடன் நான்கு மாட வீதிகளிலும் சுற்றி வரும் தேரை  பக்தர்கள்  வடம் பிடித்து இழுத்தனர்.

இதனையடுத்து வருகின்ற 18 ம் தேதி சுந்தரர்க்கும் சங்கிலிநாச்சியாருக்கும் திருக்கல்யாண உற்சவம்  நடைபெற உள்ளது. முன்னதாக பள்ளி மாணவர்கள் முருகர் அம்மன் சிவன் வேடமிட்டு  நடனமாடி தேரை வரவேற்றனர் வழி நெடுகிலும்  ஏராளமான மக்கள்   காத்திருந்து சாமி தரிசனம் செய்தனர் 

வரலாற்று சிறப்புமிக்க வடிவுடையம்மன் கோவில் ஆண்டு தோறும் மாசி திருவிழா வெகு விமரிசையாக கொண்டாட்டபட்டு வருகிறது முக்கிய நிகழ்வான  தேரோட்டத்தில் ஆயிரக்கணக்கான மக்கள் ஓம் நமச்சிவாய தியாகராய என பக்தி பரவசத்துடன் கோஷங்களை எழுப்பினர்