Tag: மே1

ஏப்ரல் 1-ஆம் தேதி முதல் ஏழுமலையான் கோவிலில் மீண்டும் கட்டண சேவைகள் துவங்கப்படும் என்று தேவஸ்தானம் அறிவித்துள்ளது. கரோனா காரணமாக 2020 ஆம் ஆண்டு மார்ச் மாதம் 20ஆம் தேதி ஏழுமலையான் கோவிலில் கட்டண சேவைகள் நிறுத்தப்பட்டன.

இந்தநிலையில் கட்டுப்பாடுகளில் குறிப்பிட்ட அளவிற்கு தளர்வுகள் கொண்டு வரப்பட்டுள்ளது.

எனவே ஏப்ரல் மாதம் ஒன்றாம் தேதி முதல் ஏழுமலையான் கோவிலில் சுப்ரபாதம்,தோமாலை, அர்ச்சனை, அஷ்டதள பாத பத்ம ஆராதனை, திருப்பாவாடை,வஸ்திர அலங்காரம், அபிஷேகம், கல்யாண உற்சவம், பிரம்மோற்சவம், சகஸ்ர தீப அலங்கார சேவை ஆகிய கட்டண சேவைகள் மீண்டும்  துவங்கப்படும் என்று தேவஸ்தானம் அறிவித்துள்ளது.

அதே நேரத்தில் தற்போது ஏழுமலையான் கோவிலில் நடைபெறும் கட்டண சேவைகளில் பக்தர்கள் காணொளி மூலம் கலந்து கொள்கின்றார்.

இந்த நடைமுறை தொடர்ந்து அமலில் இருக்கும்.காணொளி மூலம் நடைபெறும் கட்டண சேவைகளில் கலந்து கொள்வதற்காக டிக்கெட்டுகளை முன்பதிவு செய்துள்ள பக்தர்கள் 1-ஆம் தேதி முதல் ஏழுமலையான் கோவிலில் நடைபெற இருக்கும்  கட்டண சேவைகளில் நேரடியாக கலந்துகொள்ள இயலாது.

 ஆனால் அவர்களுக்கு ஏற்கனவே அறிவிக்கப்பட்டபடி சாமி தரிசனம் செய்ய அனுமதி வழங்கப்படும். உதய அஸ்தமன சேவை,விம்சாட்டி வர்ஸ்ஸ. தர்ஷினி ஆகிய கட்டண சேவைகளை முன்பதிவு செய்திருக்கும் பக்தர்கள் ஏப்ரல் 1-ஆம் தேதி முதல் கட்டண சேவைகளில் நேரடியாக பங்கு பெறலாம் என்று தேவஸ்தானம் அறிவித்துள்ளது.

திருப்பதி ஏழுமலையான் கோவிலில் ரூ.300 கட்டணத்தில் ஜனவரி மாதத்திற்கான தரிசன டிக்கெட்டுகள் நாளை (வெள்ளிக்கிழமை) காலை 9 மணிக்கு ஆன்லைனில் வெளியிடப்படுகிறது. ஜனவரி 1-ந்தேதி முதல் 12-ந்தேதி வரை 12000 டிக்கெட்டுகள் ஆன்லைனில் வெளியிடப்படுகிறது.

வைகுண்ட ஏகாதசி சொர்க்கவாசல் திறப்பையொட்டி 13-ந்தேதி முதல் 22-ந்தேதி வரை 10 நாட்கள் கூடுதலாக 8 ஆயிரம் டிக்கெட் என 20 ஆயிரம் டிக்கெட்டுகளும், 23-ந்தேதி முதல் 31-ந்தேதி வரை மீண்டும் 12 ஆயிரம் டிக்கெட்டுகள் வெளியிடப்படுகிறது.

ஏற்கனவே 10 ஆயிரம் இலவச தரிசன டிக்கெட்டுகள் ஆன்லைனில் வழங்கப்பட்டு வந்தது. ஜனவரி மாதம் முதல் 5 ஆயிரம் இலவச தரிசன டிக்கெட்டுகள் ஆன்லைனிலும், 5 ஆயிரம் டிக்கெட்டுகள் நேரடியாகவும் வழங்கப்படுகிறது.

தரிசன டிக்கெட்டுகள் இல்லாமல் திருப்பதி வந்து ஏமாற்றம் அடையும் பக்தர்களின் கோரிக்கையை ஏற்று தேவஸ்தானம் சார்பில் நேரடி இலவச தரிசன டிக்கெட்டுகள் வழங்க ஏற்பாடு செய்துள்ளது.

இலவச தரிசனம் பெறும் பக்தர்களின் வசதிக்காக பஸ் நிலையம் அருகே உள்ள ஸ்ரீ நிவாசம், விஷ்ணு நிவாசம், அலிபிரி ஆகிய 3 இடங்களில் இலவச தரிசன டோக்கன் வழங்கும் கவுண்டர்கள் திறக்கப்படுகின்றன. நேரடி இலவச தரிசன டோக்கன்கள் டிசம்பர் 30-ந்தேதி வழங்கப்படுகிறது.

கல்யாண உற்சவம் உள்ளிட்ட சேவைகளை பக்தர்கள் ஆன்லைனில் கண்டுகளிக்க வரும் 26-ந்தேதி 5,500 நித்ய சேவை டிக்கெட்டுகள் ஆன்லைனில் வெளியிடப்படுகிறது. 27-ந்தேதி வாடகை அறைகள் ஆன்லைனில் வெளியிடப்படுகிறது.

ஜனவரி 11 முதல் 14-ந்தேதி வரை 4 நாட்கள் அறைகளை ஆன்லைனில் பதிவு செய்ய முடியாது. பக்தர்கள் நேரடியாக வந்து அறைகளை பெற்றுக் கொள்ளலாம் என தேவஸ்தானம் தெரிவித்துள்ளது. குறைந்த காற்றழுத்த தாழ்வு நிலை காரணமாக திருப்பதியில் கடந்த மாதம் கனமழை கொட்டித் தீர்த்து.

இதனால் கடந்த மாதம் 18-ந்தேதி முதல் டிசம்பர் 11-ந்தேதி வரை ஆன்லைனில் தரிசன டிக்கெட்டுகள் பதிவு செய்து தரிசனத்திற்கு வரமுடியாத பக்தர்கள் ஜனவரி 10-ந்தேதி முதல் ஜூலை 10-ந்தேதி வரை 6 மாத காலத்திற்குள் எப்போது வேண்டுமானாலும் பழைய தரிசன டிக்கெட் எண் மூலம் ஆன்லைனில் புதிய தரிசன டிக்கெட்டுகளை பெற்றுக்கொண்டு தரிசனம் செய்யலாம் என திருப்பதி தேவஸ்தானம் சார்பில் அறிவிக்கப்பட்டுள்ளது.

திருப்பதியில் நேற்று 33,489 பக்தர்கள் தரிசனம் செய்தனர். 16,065 பேர் முடிகாணிக்கை செலுத்தினர். ரூ.3.07 கோடி உண்டியல் காணிக்கை வசூலானது.