Category: அவசியம் படிக்க

ஆம்பூர் அருகே வெகுவிமர்சையாக நடைபெற்ற 33 அடி  ஸ்ரீ குழந்தை  முனீஸ்வரர் ஆலய  கும்பாபிஷேக விழாவில் சாமி வந்து ஆடிய பக்தர்கள்.

திருப்பத்தூர் மாவட்டம் ஆம்பூர் அடுத்த வெங்கிளி கிராமத்தில் உள்ள பாலாற்றங்கரையோ ரம் எழுந்தருளியுள்ள அருள்மிகு பெரிய முழு உருவ குழந்தை முனீசுவரர் ஆலயத்தில் இன்று 11 மணிக்கு திருக்குட முழுக்கு நன்னீராட்டு விழா நடைப்பெற்றது,

 கும்பாபிஷேக விழா முன்னிட்டு நேற்று மங்கள வாத்தியத்துடன் ஸ்ரீ கணபதி ஹோமம் பூஜை தொடங்கப்பட்டு தொடர்ந்து ஸ்ரீ லட்சுமி ஹோமம், ஸ்ரீ நவக்கிரக ஹோமம், பூர்ணாஹுபதி, வாஸ்து சாந்தி பிரவேச பலி அங்குரார்பணம், நாடி சந்தானம் உள்ளிட்ட சிறப்பு பூஜைகள் நடைபெற்றது இதனைத் தொடர்ந்து இன்று கோவில் வளாகத்தில் யாகசாலை பூஜைகள் நடத்தப்பட்டு அதனை தொடர்ந்து மேளதாளங்கள் முழங்க  புனிதநீர்  ஊர்வலமாக கொண்டு வரப்பட்டு வேதங்கள், மற்றும் மந்திரங்கள் ஓத குழந்தை  மூலவர் முனீசுவரர் சிலை மீது புனித நீர் ஊற்றப்பட்டு, திருக்குட முழுக்கு நன்னீராட்டு விழா நடைப்பெற்றது, அப்போது பக்தர்கள் மீது சாமி வந்து ஆடினர்

 பின்னர் புனித நீர் பக்தர்கள் தெளிக்கக்பட்டு அதனை தொடர்ந்து பக்தர்களுக்கு அன்னதானம் வழங்கப்பட்டது.

மேலும் இந்த திருக்குட முழுக்கு நன்னீராட்டு விழாவில் சுற்றுவட்டார 15க்கும் மேற்பட்ட கிராமங்களில் இருந்து ஏராளமான பக்தர்கள் கலந்து கொண்டு சாமி தரிசனம் செய்தனர்

திருப்பூரில் பிரசித்தி பெற்ற ஸ்ரீ கோட்டை மாரியம்மன் திருக்கோவில் மாசிமாத பொங்கல் பூச்சாட்டு திருவிழா!ஏராளமான பக்தர்கள் அம்மனுக்கு பூவோடு எடுத்து நேர்த்திக்கடன்!!ஆதிபராசக்தி அலங்காரத்தில் அம்மன் பக்தர்களுக்கு அருள்பாவித்தார்.

திருப்பூர் தாராபுரம் சாலையில் பிரசித்தி பெற்ற ஸ்ரீ கோட்டை மாரியம்மன் திருக்கோவிலில் வருடாவருடம் மாசிமாதம் பொங்கல் திருவிழா நடைபெறுவது வழக்கம்.இந்நிலையில் பொங்கல் திருவிழா கடந்த வாரம் 13 ம் தேதி செவ்வாய்க்கிழமை பூச்சாட்டுடன் துவங்கியது.

அதனை தொடர்ந்து நேற்று இரவு பார்க் சாலையில் உள்ள ஸ்ரீ ராகவேந்திரா திருக்கோவிலில் இருந்து கம்பம் எடுத்து வரப்பட்டு அருள்மிகு ஸ்ரீ மாரியம்மன் கோவில் முன்பு நடப்பட்டது.அதனை தொடர்ந்து தீச்சட்டி எடுக்கும் பக்தர்கள் விரதம் இருந்து பழைய பேருந்து நிலையம்,ஷரீப் காலனி,ஆகிய பகுதிகளில் உள்ள காமாட்சியம்மன் கோவிலில் இருந்து வேண்டுதலை நிறைவேற்றுவதற்காக கையில் தீச்சட்டி எடுத்து முக்கிய வீதிகளின் வழியாக சென்று தாராபுரம் சாலையில் உள்ள ஸ்ரீ கோட்டை மாரியம்மன் கோவிலுக்கு ஊர்வலமாக சென்றனர்.

தொடர்ந்து ஸ்ரீ கோட்டை மாரியம்மனுக்கு ஆதிபராசக்தி அலங்காரம் செய்யப்பட்டு சிறப்பு அபிஷேகமும் நடைபெற்றது.இந்த பூச்சாட்டு விழாவில் ஆயிரத்திற்கும் மேற்பட்ட பெரியவர்களும்,சிறியவர்களுக்கு பூச்சட்டி எடுத்தும் அம்மனுக்கு நேர்த்திக்கடன் செலுத்தினர்.