ஒலிம்பிக் போட்டியில், பேட்மிண்டனில் பங்கேற்று வெள்ளி பதக்கம் வென்ற வீராங்கனை பி.வி.சிந்து திருப்பதி கோயிலில் நேர்த்திக் கடன் செலுத்தினார். திருப்பதியில் ஏழுமலையானை தரிசனம் செய்வதற்காக பி.வி.சிந்து, அவரது தாய் விஜயா, தந்தை ரமணா மற்றும் பயிற்சியாளர் கோபிசந்த் ஆகியோர் திருப்பதி வந்தனர். திருச்சானூர் பத்மாவதி தாயார் கோவிலுக்கு சென்று முதலில் அவர்கள் சாமி தரிசனம் செய்தார். அதன்பின் அவர், தனது குடும்பத்தினர் மற்றும் பயிற்சியாளருடன் ஏழுமலையானை தரிசனம் செய்வதற்காக திருமலைக்கு வந்தனர். தேவஸ்தான அதிகாரிகள் அவருக்கு சிறப்பான வரவேற்பை அளித்தனர். முன்னதாக சிந்து வெற்றிக்கான அவரது பயிற்சியாளர், கோபிசந்த் முடி காணிக்கை செலுத்தினார். முன்னதாக ஏழுமலையான் கோயிலின் ரங்கநாதர் மண்டபம் அருகே உள்ள துலாபாரத்தில் பி.வி.சிந்து, தனது எடைக்கு எடையாக வெல்லம் காணிக்கையாக செலுத்தினர்.
Leave a Reply