ஆந்திர மாநிலம் சித்தூர் மாவட்டத்தின் பிரசித்திப் பெற்ற திருப்பதி ஏழுமலையான் கோயிலுக்கு தினமும் ஆயிரக் கணக்கான பக்தர்கள் வந்து செல்கின்றனர். வார நாட்களில் சராசரியாக 65 ஆயிரத்தை எட்டும் பக்தர்கள் எண்ணிக்கை, சனி, ஞாயிறு போன்ற வார நாட்களில் 80 ஆயிரத்தைத் தாண்டும்.
இந்நிலையில், சித்தூர் மாவட்டத்தின் பல பகுதிகளில் இப்போது கன மழை பெய்து கொண்டிருக்கிறது. திருமலைப் பகுதியிலும் மழை நீடிக்கிறது. இதனால், திருமலைக்கு வரும் பக்தர்கள் எண்ணிக்கை குறைந்துள்ளது. இதனால், பக்தர்கள் வருகையால் திணறிக் கொண்டிருக்கும் ஏழுமலையான் கோயிலில் இன்று காலை குவிந்த பக்தர்கள் விரைவாக சாமி தரிசனம் செய்து திரும்பினர். இதுகுறித்து கோயில் அதிகாரிகள் கூறும்போது, “திருமலை பகுதியில் கடந்த சில நாட்களாக கன மழை தொடர்ந்து கொண்டிருக்கிறது. இதனால், நேற்று மாலை முதல் திருமலைக்கு வரும் பக்தர்கள் எண்ணிக்கை குறைவாகவே உள்ளது. இன்று மட்டும் 20 ஆயிரம் பக்தர்கள் வருகை தந்து இருப்பார்கள்.
பொதுவாக திருமலை பகுதியில் கனமழை பெய்யும்போது, கோயிலுக்கு வரும் பக்தர்கள் எண்ணிக்கை குறைவாகவே இருக்கும். ஆனாலும், மழைக் காலத்தில் கோயிலுக்கு வரும் பக்தர்கள் எண்ணிக்கைக்கு ஏற்ப, அவர்களுக்கான சிறப்பு வசதிகள் தொடர்ந்து செய்யப்படும்” என்றனர்.
Leave a Reply