Shakthi Online CMS

Tag: Lakshmi

  • The hidden secrets of making kolam!

    தமிழர்களின் பண்பாட்டில் ஒளிந்துள்ள வாழ்க்கை தத்துவங்களில் ஒன்று கோலம் போடும் பழக்கம். இதில் பல நன்மைகளும் ஆன்மீக ரகசியங்களும் அடங்கியுள்ளன.

    கோலம் போடும் முறை மற்றும் பலன்கள்:
    அதிகாலையில் சூரியன் உதிப்பதற்கு முன், பசுஞ்சாணம் அல்லது மஞ்சள் கலந்த தண்ணீர் தெளித்து, பச்சரிசி மாவால் கோலம் போடுவது சிறந்தது. கோலம் போடுவதன் முக்கிய நோக்கம் தர்மம் செய்வதாகும். பச்சரிசி மாவால் கோலமிடுவதால், எறும்பு, குருவி போன்ற உயிரினங்களுக்கு உணவு கிடைக்கும். இது புண்ணியத்தை சேர்க்கும். இவ்வாறு உயிரினங்களுக்கு உணவளிப்பது மகாலட்சுமியின் அருளை பெற்றுத்தரும். மேலும், கோலம் போடுவது காலை உடற்பயிற்சியாகவும், மன ஆரோக்கியத்தை மேம்படுத்துவதாகவும் உள்ளது. எதிர்மறை எண்ணங்களுடன் வருபவர்களின் எண்ணங்களை மாற்றும் சக்தியும் கோலத்திற்கு உண்டு.

    பசுஞ்சாணம் இட்டு மாக்கோலம் போட்டு, அதன் மீது காவி அடித்தால், மும்மூர்த்திகள் எழுந்தருள்வதாக ஐதீகம். பசுஞ்சாணத்தில் விஷ்ணு, மாக்கோலத்தில் பிரம்மா மற்றும் சிவபெருமான் இருப்பதாக நம்பப்படுகிறது. கோலத்தின் எட்டு திசைகளிலும் எட்டு பூக்கள் வைத்தால், அஷ்டதிக் பாலகர்களின் ஆசிர்வாதம் கிடைக்கும்.

    கோலம் போடும்போது கடைபிடிக்க வேண்டியவை:
    கோலம் போடும்போது அமர்ந்து போடக்கூடாது, குனிந்து போட வேண்டும். தெற்கு திசையில் தொடங்கவோ முடிக்கவோ கூடாது. சுப தினங்களில் இரட்டை கோடுகளால் கோலம் போட வேண்டும். தெய்வ உருவங்கள், எந்திர கோலம், ஐஸ்வர்யா கோலம், சக்கரக்கோலம், நவகிரக கோலம் ஆகியவற்றை வாசலில் போடக்கூடாது; பூஜை அறையில் மட்டுமே பச்சரிசி மாவால் போட வேண்டும். அமாவாசை மற்றும் முன்னோர்களை வழிபடும் நாட்களில் கோலம் போடுவதை தவிர்க்க வேண்டும்.

    எந்த கிழமையில் என்ன கோலம் போடலாம்?

    • ஞாயிறு: சூரிய கோலம், செந்தாமரை கோலம்.

    • திங்கள்: அல்லி மலர் கோலம்.

    • செவ்வாய்: வில்வ இலை கோலம்.

    • புதன்: மாவிலை கோலம்.

    • வியாழன்: துளசி மாடம் கோலம்.

    • வெள்ளி: தாமரை இலை கோலம்.

    • சனி: பவளமல்லி கோலம்.

    இவை தெய்வீக கடாட்சத்தை பெற்றுத்தரும். சமூக வலைதளங்களில், கோலம் போடுவதன் முக்கியத்துவம் பற்றி பலரும் பகிர்ந்து, இதன் ஆன்மீக மற்றும் உடல் நல பலன்களை வலியுறுத்துகின்றனர்.

  • Benefits of lighting a ghee lamp!

    இறைவனை வழிபடுவதில் தீப வழிபாடு முக்கிய பங்கு வகிக்கிறது. தீப ஒளியில் சரஸ்வதி தேவியும், சுடரில் லட்சுமி தேவியும், வெப்பத்தில் பார்வதி தேவியும் எழுந்தருளி அருள்புரிவதாக ஐதீகம் உள்ளது. ஆகவே, தீபத்தில் முப்பெரும் தேவியரும் கடாட்சம் செய்வதாக நம்பப்படுகிறது.

    விளக்குகளின் எண்ணிக்கை மற்றும் பலன்கள்:

    • 5 நெய் விளக்குகள்: சிறந்த கல்வி மற்றும் ஞானம் பெறலாம்.

    • 9 நெய் விளக்குகள்: நவகிரக தோஷங்கள் விலகும்.

    • 12 நெய் விளக்குகள்: தடைகள் நீங்கி, எடுத்த காரியம் வெற்றியடையும்.

    • 18 நெய் விளக்குகள்: கால சர்ப்ப தோஷம் மற்றும் செவ்வாய் தோஷம் அகலும்.

    • 27 நெய் விளக்குகள்: திருமண தடை நீங்கி, குழந்தை பாக்கியம் கிடைக்கும்.

    • 36 நெய் விளக்குகள்: சகல தோஷங்களும் நீங்கும்.

    • 48 நெய் விளக்குகள்: தொழில் விருத்தி மற்றும் சகல ஐஸ்வர்யங்களும் கிடைக்கும்.

    • 108 நெய் விளக்குகள்: அம்மனின் அருள் முழுமையாக பெறலாம்.

    நெய் விளக்கு ஏற்றிய பிறகு, கோவில் பிரகாரத்தை மூன்று முறை வலம் வருவது சிறப்பு.

    நெய் தீப பரிகாரங்கள்:
    வீடுகளில் பிரம்ம முகூர்த்த நேரத்தில் அல்லது மாலை 6 மணிக்கு நெய் தீபம் ஏற்றி வழிபடுவது சிறப்பு. இதனால் மனதில் நினைத்த காரியங்கள் நிறைவேறும். வெள்ளிக்கிழமை ராகு காலத்தில் நாகராஜ சிலைக்கு அபிஷேகம் செய்து, செவ்வரளி சாற்றி, நெய் தீபம் ஏற்றி அர்ச்சனை செய்தால், தம்பதியரிடையே ஒற்றுமை நிலைக்கும்.

    பித்ரு தோஷம் உள்ளவர்கள் அமாவாசை அன்று பெருமாளுக்கு நெய் விளக்கு ஏற்றினால் தோஷம் நீங்கும். வியாழக்கிழமை தட்சிணாமூர்த்திக்கு விரதம் இருந்து, தொடர்ந்து நெய் தீபம் ஏற்றினால், விரைவில் கருத்தரிக்கலாம். தீபம் ஏற்றும்போது வடக்கு, கிழக்கு அல்லது மேற்கு திசை பார்த்து ஏற்றினால் செல்வ செழிப்பு பெருகும்.

    கோவில்களில் அதிகாலை, நண்பகல், அந்தி பொழுது நெய் தீபம் ஏற்றுவது சிறப்பு. கருவறையில் உள்ள தூங்கா விளக்கில் நெய் ஊற்றி வழிபட்டால், கடுமையான பிரச்சினைகளும் விலகும். சமூக வலைதளங்களில், இந்த பரிகாரங்களை பலரும் பகிர்ந்து, இறைவனின் அருளை பெறுவதற்கு நெய் தீபம் ஏற்றுவதன் முக்கியத்துவத்தை வலியுறுத்துகின்றனர்.

  • Steps to follow to maintain and grow wealth!

    செல்வம் நிலைத்து, விருத்தியடையவும், பணம் கொடுக்கல்-வாங்கல் சிறப்பாக அமையவும் சில முக்கிய வழிமுறைகளை பின்பற்ற வேண்டும். செவ்வாய்க்கிழமை, செவ்வாய் ஹோரையில் பணம் கொடுக்கல்-வாங்கல் நடப்பது உத்தமம். இதனால் கொடுப்பவருக்கு பணம் திரும்ப கிடைக்கும், வாங்குபவரால் பணத்தை திரும்ப கொடுக்க முடியும். பணத்தை திரும்ப கொடுப்பதும் செவ்வாய் ஹோரையில் நடப்பது சிறப்பு.

    பணம் கொடுக்கும்போது வாசல்படியில் நின்று கொடுக்கக்கூடாது. கொடுப்பவரும், வாங்குபவரும் வாசல்படிக்கு உள்ளே இருந்து கொடுக்க அல்லது வாங்க வேண்டும். வாசல்படி, உரல், ஆட்டுக்கல், அம்மிக்கல் ஆகியவற்றில் உட்காரவும் கூடாது. இரவு நேரங்களில் பால், மோர், தண்ணீர் ஆகியவற்றை அடுத்தவர்கள் எடுத்துச் செல்ல அனுமதிக்கக்கூடாது. வெற்றிலை, வாழையிலை ஆகியவற்றை வாடவிடவோ, வெற்றிலையை தரையில் வைக்கவோ, சுண்ணாம்பு வெற்றிலையை போடவோ கூடாது.

    எரியும் குத்து விளக்கை தானாக அணையவிடக்கூடாது, ஊதியும் அணைக்கக்கூடாது. புஷ்பத்தால் மட்டுமே அணைக்க வேண்டும். வீட்டில் யாரையும் ‘சனியனே’ என்றோ, ‘எழவு’ என்றோ திட்டக்கூடாது. அதிகமாக கிழிந்த துணிகளை உடுத்தவோ, உடுத்தியபடி தைக்கவோ கூடாது. உப்பையோ, அரிசி கழுவும்போது அரிசியையோ தரையில் சிந்தக்கூடாது.

    வீட்டில் நெல்லி மரம் இருந்தால் லட்சுமி கடாட்சம் பெருகும். நெல்லி மரம் விஷ்ணுவின் அம்சமாக திகழ்வதால், அதில் மகாலட்சுமி வாசம் செய்கிறாள். நெல்லிக்கு ‘ஹரிபலம்’ என்ற பெயரும் உண்டு. லட்சுமி மற்றும் குபேரருக்கு உரிய மரமாக நெல்லி மரம் விளங்குகிறது. நெல்லி மரம் உள்ள வீட்டில் தெய்வீக அருள் நிறைந்திருக்கும்.

    இந்த வழிமுறைகளை பின்பற்றினால், செல்வம் நிலைத்து, வாழ்வில் செழிப்பு பெருகும் என்பது நம்பிக்கை. சமூக வலைதளங்களில் இது குறித்து பலரும் தங்கள் அனுபவங்களை பகிர்ந்து, இவற்றை பின்பற்றுவதன் முக்கியத்துவத்தை வலியுறுத்தி வருகின்றனர்.

  • Rules for giving Guru Dakshina: An important role in Hindu Dharma!

    இந்து தர்மத்தில் தட்சணை கொடுப்பது மிக முக்கியமான சடங்காக கருதப்படுகிறது. குருநாதர்கள் மற்றும் குருக்களுக்கு நமது முழு திருப்தியுடன் வழங்கப்படுவதே தட்சணை. இதை வெற்றிலை, பாக்குடன் சேர்த்து வழங்க வேண்டும். ஒரு கையிலிருந்து மறு கைக்கு நேரடியாக கொடுக்கக் கூடாது. லட்சுமி கடாட்சமும், நன்மைகளும் பெறுவதற்காகவே வெற்றிலை, பாக்குடன் தட்சணை வழங்கப்படுகிறது.

    தட்சணை வழங்குவது ஒரு நல்ல காரியத்தை பூரணமாக்குகிறது. பூஜை செய்பவர்கள் முழு திருப்தி அடையும் அளவுக்கு தட்சணை கொடுக்க வேண்டும். அப்படி கொடுத்தால் மட்டுமே செய்த நற்காரியத்திற்கு உரிய பலன் கிடைக்கும். தட்சணையை ஒரு கூலியாகவோ அல்லது அன்பளிப்பாகவோ கருதக்கூடாது.

    தட்சணை கொடுத்த பிறகு, ‘அதிகம் கொடுத்துவிட்டோம்’ என்று நினைப்பது தவறு. அப்படி நினைத்தால், செய்த நற்காரியங்களின் பலன் நமக்கு கிடைக்காது. ‘என்னால் முடிந்த அளவு தட்சணை வழங்குகிறேன்’ என்று மனதார நினைத்து, குருக்கள் அல்லது குருநாதர்களின் காலில் விழுந்து வணங்கி, அவர்களது ஆசிர்வாதத்தை பெற வேண்டும். அப்போது, செய்த கர்மங்களின் பலனும், புண்ணியமும் நமக்கு பூரணமாக கிடைக்கும்.

    இந்து மரபுகளில், தட்சணை வழங்குவது ஆன்மீக முக்கியத்துவம் வாய்ந்தது. இது நமது புண்ணியத்தை பெருக்குவதோடு, குருவின் ஆசியையும் பெற உதவுகிறது. சமூக வலைதளங்களில் இது குறித்து பலரும் தங்கள் அனுபவங்களை பகிர்ந்து, தட்சணையின் முக்கியத்துவத்தை வலியுறுத்தி வருகின்றனர். முறையாக தட்சணை வழங்குவது, நமது வாழ்வில் நன்மைகளையும், செல்வ வளத்தையும் பெருக்கும் என்று நம்பப்படுகிறது.

  • Vastu tips to attract Goddess Lakshmi to your home: Ways to increase wealth!

    பலரும் தங்கள் வீட்டில் லட்சுமி தேவி வசிக்க வேண்டும், செல்வம் பெருக வேண்டும் என்று விரும்புகிறார்கள். வாஸ்து சாஸ்திரப்படி, சில எளிய வழிமுறைகளை பின்பற்றினால், லட்சுமி தேவியை வீட்டிற்கு வரவழைத்து, நிதி நிலையை மேம்படுத்தலாம்.

    இந்து மதத்தில் வாஸ்து சாஸ்திரம் முக்கிய பங்கு வகிக்கிறது. வீடு கட்டுவது முதல் அலங்காரம் வரை வாஸ்து முக்கியமானது. லட்சுமி தேவி வீட்டிற்கு வரும்போது கதவு, ஜன்னல்களை மூடுவது தவறு. சூரிய உதய நேரத்தில், பிரம்ம முகூர்த்த வேளையில் லட்சுமி தேவி வீட்டிற்கு வருவாள் என்று ஐதீகம். இந்த நேரத்தில் கதவு, ஜன்னல்களை திறந்து வைப்பது நல்லது. சூரிய அஸ்தமன வேளையில் விளக்கு ஏற்றி, கதவு, ஜன்னல்களை திறந்து வைப்பதும் நேர்மறை ஆற்றலை வரவழைக்கும். இதனால் எதிர்மறை ஆற்றல் நீங்கி, செல்வம் பெருகும் என்று நம்பப்படுகிறது.

    வீட்டை எப்போதும் சுத்தமாக வைத்திருக்க வேண்டும். காலை, மாலை வேளைகளில் துளசி செடியருகே தீபம் ஏற்றினால், லட்சுமியின் அருள் கிடைக்கும். துளசி செடி புனிதமானது மற்றும் லட்சுமி தேவி வசிக்கும் இடமாக கருதப்படுகிறது. துளசி செடியின் நறுமணம் சுற்றுப்புறத்தை புத்துணர்ச்சியாக வைத்து, எதிர்மறை ஆற்றலை தடுக்கும். வீட்டு வாசலில் துளசி செடியை வளர்ப்பது செல்வத்தை பெருக்கும்.

  • The vision of Garuda and its benefits!

    புராணங்களின் படி, கருடன் தரிசனம் ஆன்மீகத்தில் சிறந்த பலன்களை அளிக்கும் என்ற நம்பிக்கை தமிழக மக்கள் மத்தியில் பரவி வருகிறது. வாரத்தின் ஒவ்வொரு கிழமையும் கருடனை தரிசிப்பதால் கிடைக்கும் பலன்கள் குறித்த ஆர்வம் சமீப காலமாக அதிகரித்துள்ளது. இது பக்தர்களிடையே பெரும் உற்சாகத்தை ஏற்படுத்தியுள்ளது.

    ஞாயிற்றுக்கிழமை கருடனை தரிசித்தால் உடல்நலக் குறைவுகள் நீங்கும் என்று பக்தர்கள் நம்புகின்றனர். இதனால், பலர் ஞாயிறு அன்று கோவில்களில் பிரார்த்தனை செய்கின்றனர். திங்கட்கிழமை தரிசனம் குடும்பத்தில் ஒற்றுமை, மகிழ்ச்சி மற்றும் நலத்தை பெருக்கும் என்பது மக்களின் நம்பிக்கை. செவ்வாய்க்கிழமை கருடனை தரிசிப்பது துணிவையும், தன்னம்பிக்கையையும் அளிக்கும் என்று இளைஞர்கள் கருதுகின்றனர்.

    புதன்கிழமை தரிசனம் பகைவர்களின் தொல்லைகளை அகற்றும் என்று பலரும் நம்புகின்றனர். வியாழக்கிழமை கருடனை தரிசிப்பது நீண்ட ஆயுளை வழங்கும் என்று ஆன்மீக பெரியோர்கள் கூறுகின்றனர். வெள்ளிக்கிழமை தரிசனம் செல்வ வளத்தையும், லட்சுமி கடாட்சத்தையும் பெறுத்தரும் என்பதால், பக்தர்கள் இதில் அதிக ஆர்வம் காட்டுகின்றனர். சனிக்கிழமை கருட தரிசனம் முக்தியை அளிக்கும் என்ற நம்பிக்கை மக்களை ஆன்மீக பாதையில் ஈர்க்கிறது.

    தமிழகத்தின் பல பெருமாள் கோவில்களில், குறிப்பாக திருநள்ளாறு, காஞ்சிபுரம், ஸ்ரீரங்கம் ஆகிய இடங்களில் கருடாழ்வார் சந்நிதியில் பக்தர்களின் கூட்டம் அதிகரித்துள்ளது. சமூக வலைதளங்களில் இதுகுறித்த பதிவுகள் வைரலாகி, பக்தர்கள் தங்கள் அனுபவங்களை பகிர்ந்து வருகின்றனர். ஆன்மீக விவாதங்களில், கருட தரிசனத்தின் முக்கியத்துவம் பற்றி பலர் விளக்கமளித்து, இதன் பலன்களை எடுத்துரைக்கின்றனர்.

     

  • Deepavali lakshmi gubera poojai

    தீபாவளி திருநாளில் செல்வத்திற்கு அதிபதியான குபேரரையும் அதை அவருக்கு அருளிய மகாலட்சுமியையும் பூஜை செய்து வழிபட்டால் இல்லங்களிலும் செல்வம் பெருகும் என்பது ஐதீகம்.  செல்வத்தை பிறருக்கு அருளும் வரத்தையும் தந்தவர் மகாலட்சுமி தாயார் தான். எனவே இந்த பூஜையை குபேர பூஜை என்று சொல்வதை விட மகாலட்சுமி குபேர பூஜை என்று கூறுவதே சிறந்தது.

    லட்சுமி குபேர பூஜை செய்ய உகந்த நேரம் :

    தீபாவளி நாளில் செல்வ வளத்தை பெருக்கும் லட்சுமி குபேர பூஜை செய்யும் முறை பற்றி தெரிந்துகொள்வோம். அம்மாவாசை அன்று மாலை 6 மணிக்கு மேல் 9 மணிக்குள்ளாக இந்த பூஜையை நாம் செய்ய வேண்டும். இந்த நேரத்தில் தான் குபேர மகாலட்சுமி தேவியை வணங்கி இந்த செல்வத்திற்கான அதிபதி வரத்தை பெற்றார். ‘

    பூஜை செய்யும் முறை :

    மகாலட்சுமி தாயார் படம் மற்றும் குபேரர் படம் அல்லது குபேரர் விக்ரகம் இருந்தாலும் வைத்துக் கொள்ளலாம். படத்தை பூஜை அறையில் வடக்கு திசையை பார்ப்பது போல் வைக்க வேண்டும். நீங்கள் படத்திற்கு நேரில் அமர்ந்து பூஜை செய்யக்கூடாது. படம், எந்திரம் வைத்து இருக்கும் இடத்திற்கு இடம் அல்லது வலது புறமாக நீங்கள் அமர வேண்டும்.

    குபேரர் எந்திரம் இருந்தால் அதை வாங்கி வைத்து கொள்ளலாம் இல்லை என்றால் குபேர எந்திரத்தை ஒரு மனை பலகையில் வரைந்து கொள்ளுங்கள். குபேரர் எந்திரத்தில் உள்ள எண்களின் ஓரத்தில் ஒவ்வொரு கட்டத்திலும் ஒவ்வொரு நாணயத்தை வைக்க வேண்டும் அந்த நாணயம் எண்களை மறைக்காதவாறு வைத்துக் கொள்ளுங்கள். கட்டத்தின் ஓரத்தில் ஸ்ரீ என்று எழுதி வைக்கவும்.

    குபேர எந்திரத்தின் முன்பு அமர்ந்து தாமரை பூவின் 9 இதழ்களை எடுத்துக் கொள்ளுங்கள். ஒவ்வொரு இதழிலும் ஒரு நாணயத்தை வைத்து அதில் கொஞ்சம் குங்குமம் வைத்து மகாலட்சுமி தாயாரின் பாதத்தில் வைத்து வணங்க வேண்டும்.ஒவ்வொரு முறை இந்த நாணயத்தை வைக்கும் போதும் இந்த மந்திரத்தை மட்டும் ஜெபித்தாலே போதும்.

     ‘ஓம் குபேராய நமக!!’

     ‘ஓம் தந்தாய நமக!!’

    இந்த நாமத்தை மட்டும் நீங்கள் அந்த ஒன்பது நாணயத்தை வைக்கும் போதும் ஒன்பது முறை சொல்ல வேண்டும். பூஜை முடிந்த பின்பு அதில் உள்ள இந்த காசுகளை நீங்கள் பணம் வைக்கும் இடத்தில் வைத்து விடுங்கள். இந்த பணத்தை அடுத்தடுத்த முறை பூஜைக்கு பயன்படுத்திக் கொள்ளலாம். ஆனால் தனியாக எடுத்து வைத்து விடுங்கள் மற்ற பணத்துடன் கலந்து செலவழித்து விட வேண்டாம்.

     

  • Sri lakshmi narashimmar vazhipattu kurippugal

    நரசிம்மரை தொடர்ந்து வழிபட்டு வருபவர்களுக்கு எத்தகைய திருஷ்டி தோஷமும் ஏற்படாது. நரசிம்மருக்கு சிவப்பு நிற அரளி மற்றும் செம்பருத்தி பூக்கள் மிகவும் பானகம் பிடித்தமானவையாகும். கணவன்-மனைவி அடிக்கடி சண்டை போடு கிறார்களா? நரசிம்மரை வழிபட்டால் தம்பதி இடையே உள்ள கருத்து வேறுபாடுகள் விலகி விடும்.

    நரசிம்ம ஜெயந்தி தினத்தன்று கலசம் வைத்து பூஜை செய்ய வேண்டும் என்று எந்த அவசியமும் இல்லை. வெறும் படத்தை வைத்தே பூஜைகள் செய்யலாம். நரசிம்மர் அருள் பெற பெண்களும் விரதம் இருக்கலாம். ஆனால் பெண்கள் மிகவும் சுத்தமாகவும், தூய்மையாகவும் இருக்க வேண்டியது அவசியமாகும்.

    வீட்டில் நரசிம்மரை வழிபாடு செய்யும்போது வாயு மூலை எனப்படும் வடமேற்கில் வைத்து வழிபடுவது மிகவும் நல்லது. நரசிம்ம ஜெயந்தி தினத்தன்று வீட்டில் உள்ள சிறுவர்- சிறுமிகளுக்கு நரசிம்ம அவதார கதையை படித்து காண்பித்தால் பிரகலாதனுக்கு கிடைத்த பலன்கள் கிடைக்கும்.

    நரசிம்மரை நினைத்து விரதம் இருப்பவர்கள் கண்டிப்பாக அசைவம் மற்றும் மாமிசம் தொடர்பான உணவுப் பொருட்களை தவிர்க்க வேண்டும். நரசிம்மரின் அருள் பெற விரும்புபவர்கள், ஸ்ரீமத் பாக வதத்தில் உள்ள பிரகலாத சரித்திரத்தின் (7-வது ஸ்கர்தம் 1 முதல் 10 அத்தியாயங்கள் வரை) பாராயணம் செய்ய வேண்டும். பிரகலாதரால் செய்யப்பட்ட ஸ்தோத்திரத்தில் 7-வது ஸ்கந்தம் 9-வது சர்க்கத்தையும் பாராயணம் செய்தல் வேண்டும்.

    நரசிம்மரை வழிபட்டு சென்றால் வழக்குகளில் வெற்றி கிடைக்கும். எதிரிகளும் நண்பர்களாக மாறுவார்கள். நரசிம்மன் என்றால் ‘ஒளிப்பிழம்பு’ என்று பொருள். மகா விஷ்ணு எடுத்த இந்த அவதாரம் உக்கிரமானதாக கருதப்பட்டாலும், பக்தர்கள் அவரை விரும்பி வணங்குகிறார்கள்.

    நரசிம்மனிடம் பிரகலாதன் போல் நாம் பக்தி கொண் டிருக்க வேண்டும். அத்தகைய பக்தியுடன் வழிபடும் பக்தர்களுக்கு, நரசிம்மர் நன்மைகளை வாரி வழங்குவார். நரசிம்மரை தொடர்ந்து வணங்கி வழிபட்டு வந்தால் 8 திசைகளிலும் புகழ் கிடைக்கும்.

    நரசிம்மரை ‘மருத்யுவேஸ்வாகா’ என்று கூறி வழிபட்டால் மரண பயம் நீங்கும். ‘அடித்தகை பிடித்த பெருமாள்’ என்றொரு பெயரும் நரசிம்மருக்கு உண்டு. அதாவது ‘பக்தர்கள் உரிமையோடு அடித்து கேட்ட மறுவினாடியே உதவுபவன்’ என்று இதற்கு பொருள்.

    நரசிம்மர் வீற்றிருக்கும் ஆலயங்களில் ஆஞ்சநேயர் நிச்சயம் இருப்பார். வைகாசி மாதம் வளர்பிறை சதுர்த்தியன்று சூரியன் மறையும் நொடியில் (பகலுமின்றி, இரவுமின்றி) மாலை அந்திப்பொழுதில் நரசிம்மர் அவதரித்தார். இதுவே நரசிம்ம ஜெயந்தியாகும்.

    நரசிம்மரின் அவதாரம் இறைவன் எங்கும் உள்ளார் என்பதை உணர்த்துவதாகும். நரசிம்மர் வைணவ சமயத்தில் அதிகம் வழிபட கூடிய விஷ்ணுவின் அவதாரம் ஆகும்.

  • lakshmi narashimmar vazhipadu

    வளர்பிறை சதுர்த்தசி திதி. லக்ஷ்மி நரசிம்மர் வழிபாடு நல்லது. இன்றைய தினம் விரதமிருந்து வளர்பிறை சதுர்த்தசி திதியில் விரதமிருந்து லக்ஷ்மி நரசிம்மரை வழிபடுவது சகல ஐஸ்வரியங்களையும் பெற்றுத் தரும்.

    நரசிம்மரை தொடர்ந்து மனம் ஒன்றி வழிபட்டு வந்தால் எதிரிகளை வெல்லும் பலம் கிடைக்கும். எதிர்ப்புகள் அனைத்தும் தவிடு பொடியாகும். நரசிம்மருக்கு செவ்வரளி போன்ற சிவப்பு வண்ண மலர்கள், சர்க்கரைப்பொங்கல், பானகம்  பூஜைக்கு வைத்து வழிபடலாம்.

    இந்நாளில் நரசிம்மரை தரிசனம் செய்தால் அனைத்துத் தோஷங்களும் விலகி விரும்பும் நியாயமான பூரண பலன்கள் கிடைக்கும். நரசிம்மம் என்றால் ஒளிப்பிழம்பு என்று அர்த்தம். மிகப்பெரிய ஜ்வாலையானவன் என்று நரசிம்மனைச் சொல்கிறது புராணம்.

    நரசிம்மர் விரத வழிபாட்டிற்கு உகந்து நேரம் அந்திசாயும் வேளையான மாலை 4.30 மணி முதல் இரவு 7.30 மணி வரையாகும். அதிலும், வளர்பிறை சதுர்த்தசி திதி மிகவும் விசேஷமானது. நரசிம்மரை தொடர்ந்து வழிபட்டு வந்தால், நினைத்த காரியங்களையெல்லாம் தங்குதடையின்றி நடத்திக் கொடுத்து அருளுவார் நரசிம்மர்.

    சக்தியும் உக்கிரமும் வாய்ந்தவர் நரசிங்க பெருமாள். பக்தன் பிரகலாதனுக்காக மகாவிஷ்ணு எடுத்த அவதாரமே நரசிம்ம அவதாரம். நரசிம்மரை தொடர்ந்து மனம் ஒன்றி வழிபட்டு வந்தால் எதிரிகளை வெல்லும் பலம் கிடைக்கும். எதிர்ப்புகள் அனைத்தும் தவிடுபொடியாகும்.
     
    உக்கிர மூர்த்தியாக உக்கிர சொரூபமாகத் திகழ்கிறார் ஸ்ரீநரசிங்கப் பெருமாள். இவரை இஷ்ட தெய்வமாக நினைத்து தொடர்ந்து வாரந்தோறும் வழிபட்டு வந்தால், நினைத்த காரியங்களையெல்லாம் தங்குதடையின்றி நடத்திக் கொடுத்து அருளுவார் நரசிம்மர்.
     
    இவரை சனிக்கிழமைகளிலும் புதன்கிழமைகளிலும் பானக நைவேத்தியம் செய்து வணங்கி வந்தால், எட்டுத் திசைகளிலும் நம்மைச் சுற்றியுள்ள தீயசக்திகள் அகலும் என்பது ஐதீகம். நரசிம்மருக்கு நரசிங்கம், சிங்கபிரான், அரிமுகத்து அச்சுதன், நரம் கலந்த சிங்கம் எனப் பல திருநாமங்கள் உண்டு.

    சென்னை திருவல்லிக்கேணி கோயிலில் நரசிம்மர் சந்நிதி அமைந்துள்ளது. இவர் விசேஷமானவர். இவருக்கு பானக நைவேத்தியம் செய்து பிரார்த்தனை செய்து கொண்டால்,விரைவில் நம் வேண்டுதல்களை யெல்லாம் நிறைவேற்றித் தந்தருள்வார்.

    லட்சுமி நரசிம்மரை தினமும் வழிபாடு செய்ய வேண்டும். நரசிம்மருக்கு சிவப்பு நிற அரளி மற்றும் செம்பருத்தி பூக்கள் மிகவும் பிடித்தமானவையாகும். தினந்தோறும் பூஜை அறையில் லட்சுமி நரசிம்மரை நினைத்து ‘ஓம் லக்ஷ்மி நரசிம்ஹாய நமஹ’ என்ற மந்திரத்தை 27 முறை உச்சரித்து வழிபாடு செய்ய வேண்டும்.

    அம்பாளுடன் இருக்கக்கூடிய லட்சுமி நரசிம்மரை தாராளமாக, பயப்படாமல் வீட்டில் வைத்து பூஜை செய்யலாம்.நரசிம்மர் வழிபாட்டில் நிவேதனமாக பானகம் இருக்க வேண்டும். அதுதான் சிறப்பான பலனை கைமேல் கொடுக்கும்.

    உலர் திராட்சை, ஏலக்காய், கற்கண்டு போன்ற நிவேதனத்தை தாராளமாக நரசிம்மருக்கு வைத்து வழிபாடு செய்யலாம். எந்த வேண்டுதலாக இருந்தாலும் உண்மையோடு, மன உறுதியோடு செய்யும் பட்சத்தில் அதன் மூலம் நமக்குக் கிடைக்கும் பலன் இரட்டிப்பாகும்.

  • valarpirai lakshmi narashimmar vazhipadu

    வளர்பிறை சதுர்த்தசி திதியில் விரதமிருந்து லக்ஷ்மி நரசிம்மரை வழிபடுவது சகல ஐஸ்வரியங்களையும் பெற்றுத் தரும். அன்றைய தினம் நரசிம்மரை தரிசனம் செய்தால் அனைத்துத் தோஷங்களும் விலகி விரும்பும் நியாயமான பூரண பலன்கள் கிடைக்கும். நரசிம்மம் என்றால் ஒளிப்பிழம்பு என்று அர்த்தம். மிகப்பெரிய ஜ்வாலையானவன் என்று நரசிம்மனைச் சொல்கிறது புராணம்.

    நரசிம்மர் விரத வழிபாட்டிற்கு உகந்து நேரம் அந்திசாயும் வேளையான மாலை 4.30 மணி முதல் இரவு 7.30 மணி வரையாகும். அதிலும், வளர்பிறை சதுர்த்தசி திதி மிகவும் விசேஷமானது. சக்தியும் உக்கிரமும் வாய்ந்தவர் நரசிங்க பெருமாள். பக்தன் பிரகலாதனுக் காக மகாவிஷ்ணு எடுத்த அவதாரமே நரசிம்ம அவதாரம்.நரசிம்மரை தொடர்ந்து மனம் ஒன்றி வழிபட்டு வந்தால் எதிரிகளை வெல்லும் பலம் கிடைக்கும். எதிர்ப்புகள் அனைத்தும் தவிடு பொடியாகும்.

    உக்கிர மூர்த்தியாக உக்கிர சொரூபமாகத் திகழ்கிறார் ஸ்ரீநரசிங்கப் பெருமாள். இஷ்ட தெய்வமாக நினைத்து தொடர்ந்து வாரந் தோறும் வழிபட்டு வந்தால், நினைத்த காரியங்களையெல்லாம் தங்குதடையின்றி நடத்திக் கொடுத்து அருளுவார் நரசிம்மர்.

    இவரை புதன்கிழமை பானக நைவேத்தியம் செய்து வணங்கி வந்தால், எட்டுத் திசைகளி லும் நம்மைச் சுற்றியுள்ள தீயசக்திகள் அகலும் என்பது ஐதீகம். நரசிம்மருக்கு நரசிங்கம், சிங்கபிரான், அரிமுகத்து அச்சுதன், நரம் கலந்த சிங்கம் எனப் பல திருநாமங்கள் உண்டு.

    சென்னை திருவல்லிக்கேணி கோயிலில் நரசிம்மர் சந்நிதி அமைந்துள்ளது. இவர் விசேஷமானவர். இவருக்கு பானக நைவேத்தியம் செய்து பிரார்த்தனை செய்து கொண்டால்,விரைவில் நம் வேண்டுதல்களை யெல்லாம் நிறைவேற்றித் தந்தருள்வார்.

    லட்சுமி நரசிம்மரை தினமும் வழிபாடு செய்ய வேண்டும். நரசிம்மருக்கு சிவப்பு நிற அரளி மற்றும் செம்பருத்தி பூக்கள் மிகவும் பிடித்தமானவையாகும். தினந்தோறும் பூஜை அறையில் லட்சுமி நரசிம்மரை நினைத்து ‘ஓம் லக்ஷ்மி நரசிம்ஹாய நமஹ’ என்ற மந்திரத்தை 27 முறை உச்சரித்து வழிபாடு செய்ய வேண்டும்.

    அம்பாளுடன் இருக்கக்கூடிய லட்சுமி நரசிம்மரை தாராளமாக, பயப்படாமல் வீட்டில் வைத்து பூஜை செய்யலாம்.நரசிம்மர் வழிபாட்டில் நிவேதனமாக பானகம் இருக்க வேண்டும். அதுதான் சிறப்பான பலனை கைமேல் கொடுக்கும்.

    உலர் திராட்சை, ஏலக்காய், கற்கண்டு போன்ற நிவேதனத்தை தாராளமாக நரசிம்மருக்கு வைத்து வழிபாடு செய்யலாம். எந்த வேண்டுதலாக இருந்தாலும் உண்மையோடு, மன உறுதியோடு செய்யும் பட்சத்தில் அதன் மூலம் நமக்குக் கிடைக்கும் பலன் இரட்டிப்பாகும்.